Noapels
From Wikipedia
 |
|
|
Noapels (Nederlands: Napels) is de derde grotste stad van Itoalje, en de grotste van Zuud-Itoalje. D'r weun apeuprè 3 miljoen menschn. Ze legt an de Golf va Noapels, en an de voet van de Vesuvius.
[bewerk'n] Geschiedenisse
Noapels is gesticht deur de Oude Griek'n (nea-polis, de nieuwe stad) roend 800 vôorn Christus. Loater va tyd kwamt ze in ann van de Romien. In de verdere geschiedenisse wos Noapels dikkers bezet deur vrèmde machtn: de Longobardn, de Vikings (roend 1100), de Spanjoarn (roend 1500), de Fransche (roend 1800). In tusschenpoozn wos 't oek onafhankelyk en zelfs een apart keunienkryk. Roend 1860, dus 't begun van Italie oender Garibaldi eigentlyk, kwam et verval, want de macht, de industrie en 't kapitoal veruusde voegoed na 't Nôordn. Noapels kwam een arme stad, woa da de maffia (de Camorra) vry spel adde. 't Is moa redelyk recent da Noapels were e bètje opflakkert.
[bewerk'n] Varia
- De pizza zou ontstoan zin in Napels.
- Noapels is zot va voetbol. En zeker sedert de periode van Diego Maradona, die doa nog ossan lyk e god verêerd wordt.
- De uutdrukkienge "Noapels zien en sterven" is ontstoan deur e vergissing. Eigentlyk wos 't Noapels zien en Mori. Mori wos verkêerdelyk vertoald als dôodgoan ('moriri' = Latien voe sterven), moa 't wos dus eigentlyk e noame van e stadje.
