Olympia Zwembad
From Wikipedia
't Adresse: Doornstraat 110, 8200 Sint-Andries
't Grotste zwembad van de regio Brugge ligt in Sint-Andries (Brugge), 't ligt eigentlik juste neffest 't Jan Breydelstadium, 't stadium van Cercle Brugge & Club Brugge. De piscine êet acht boantjes mêe twêe compartementen ter grotte van 25 meters. Tesoamen êet 't dus e lengte van 50 meters. Tis in feite azo da je ton ééjn gedilte êet wor dat de diejpte 5 meters is, vo dedeze die boantjes willn trekn en de deze die van de spriengplankn willen spriengen. 't Andere compartement êet e maximum-diejpte van 1m40 en is dus in feite bedoeld vo de dêe die will'n plèénzn en speeln. Ip wedstrieddagen loaten ze ton de meure , die tusschen de twi compartementen zit, zakn. 't oendiepste gedilte loaten ze tan ook met e moteur nog e bitje zakn zodat de zwemmrs gin ambetantighêedn oendervienden as ze roendkêern. 't Zwembad is verder ûtgerust mêe drie glyboanen en e ploeterbadje vo de klêne gastn. 't Zwembad êet spriengplanken toe 10 meters ôge.
't Olympiabad êet de dag van vandage wel te kampen mêe betongrot. En der zien dus stemmen die ipgoan om 't zwembad, da in feite toch wel z'n tied êet ghet, met de groend geliek te moaken en heleganschen erip te bouwn. Mo doarvan is 't latste nog nie gezeid.
In Brugge êe je nog twi andere, klindere zwembaden. Ip Kristus Keunink êje 't 'Jan Guilini'; ip Assebroek êen ze 't Interbad.
