Pietjesbak
From Wikipedia
E pietjesbak (of pietebak) is en achtoekig dienk voen in te pietn. 't Is mêestol in out emakt en an de binnekant is't er mêestol etwot in zochte stoofoasche eplakt, want pietn doeje me teirlienk en aars makt dat te vele leevn.
Pietn gebeurt vele up kaffee en 't bestoan verschilnde speln.
[bewerk'n] 421
[bewerk'n] Benôodigdeed'n
- Pietjesbak (1)
- Teirlienks (3)
- Pietjes (vlootn of bierulletjes) (11)
- Krietje (1)
[bewerk'n] Verloop
421 of quat-vingt-et-un is't mêest ekend. Je speelt met te minste 3 spelers. Je ku speeln voe de leute, mor oltemets speeln ze datn verlYzer e toernee moe zetn voen ol dedie die mei doen. 't Bestoan vaneigens oek verschiln in 421, no volgens wien datter speelt.
Êest moetn de pietn verdêeld groakn. Doavôorn smietn de spelers ek up ze toer en ndien die 't lêegste esmeetn et kriegt zovele pietn of datn ogsn esmeetn et (Kombienoasches in 421). Toene erbegunt 'n verlYzer en ezo got vors toet dan de pietn verdêeld zien. Toene begunt de fynalle. In de fynalle doen ollêene de spelers mei die pietn en en dus kun ollêene zyder e striepe krygn (3 striepn is 1 zetn).
'n Speler die 't latste pietn ekreegn et, meug begun in de fynalle. Assen êeste smete nie goed is, meugn nog eki smietn en doarachter nog eki. Mor atn achter 1 ki stopt, meugn d'ander spelers oek mor 1 ki smietn, smietn 3 kirs, toene meugn zyder oek 3 kirs smietn.
Je meugt oek teirlienks uut 'n bak oaln (mor eki daj z'uutoald et, moetn ze deruut bluuvn). Aangezien daj me pietn (de intjes) van d'ogste kombienoasches makt, zien dedie der mêestol uutoalt. De kombienoasches zien 't zeste lyk in't verdêeln, mor aje 421 smiet, goad er over de reste van je pietn. Etwien die toene oek ze pietn wult kwiet groakn, moet oek e 421 smietn. 'n Dien die de lêegste kombienoasche esmeetn et, kriegt de pietn. An d'ogste of de lêegste kombienoasches deur mêerder spelers esmeetn zien, moet er ebarreerd zien. 'n Dien die't latste de kombienoasche esmeetn et, meugt êest ze teirlienks smietn en toene zien 't d'oogn die teln (dien met de mêest'oogn, wint of verliest nie).
In de fynalle is't de bedoelienge om ol je pietn kwiet te groakn. 'n Dien die ze ollemoale et (dus 11), kriegt e strieptje.
En ezo got vors toet anze't moe zien.
