Rik Samaey
From Wikipedia
Rik Samaey (Ostende, 30 ogustus 1960), is êen van de beste basketspelers gewist van België. Je weunt nu in Eernegem.
[bewerk'n] Carrière
Je begost moa te baskettn an z'n 16 joar wat da styf loate is. Je speelde vodien voetbal moa je was ton al styf grôot van gestalte en ip anroadn van Lucien Van Kersschaever et 'n begunn baskettn. Je wierd ook getraind deur Van Kers in Ostende.
't Êeste joar, in 1977, was Ostende nog een klêne ploeg, moa ze zyn gegroeid en uutendelik en ze verschillende titels g'oald. Z'n schôonste erinneringe is de êeste landstitel in 1980. Ostende stoend 2-2 in de play-offs teegn Mechelen en de beslissende match wierd gespeeld in Ostende.
Loater et 'n ook nog in 1e nationale gespeeld by Mechelen en Antwerpn.
[bewerk'n] Oenderscheidingen
- In 1979 ist 'n verkozen toet "Rookie van 't joar", een prys vo de beste belofte.
- J' is tien kêers verkozen toet "Belgische speler van 't joar": ieder joar van 1981 toet 1989 en nog eki in 1994.
- 12 kêer kampioen van België
- 10 kêer beker van België
- J' is 108 kêers geselecteerd gewist by de nationale ploeg.
Achter een schitterende carrière in 1e nationale et 'n nog een poar joar in 2e nationale gespeeld by Damme toet an z'n 39 joar.
