Sinte-Moartn
From Wikipedia
 |
Sinte-Moartn, echte noame Martinus va Tours (316-397), is de tegenanger va Sintekloaj. Ze fêestdag volt op 11 november.
[bewerk'n] Leevn
- Martinus is ebôorn roend 316 in Ongarije. Zen ouders woarn Romeinn. Atn joenk wos, kwam 'n e bedeloare tegn in Amiens (Vrankryk). E snêde ze schôon'n frak in twêe, en de bedeloare krêeg 'n eft. Loater et 'n nem bekêerd toet 't Christndom.
- In 371 vroeg de bevolkienge van Tours, of datn bisschop wilde zien.
- In 397 ging Martinus dôod a kurs. E legt begroavn in de basilyke va Tours.
[bewerk'n] Woendern
Martinus zoud e poar woendern verricht en. E ventje da nem verangn adde, zoud'n were toet leven ebrocht en.
[bewerk'n] Vereringe
Martinus is in e poar streken in Olland e Vloandern beter gekend lyk Sinte-Moarten: e grôot stik van de Westoek (buutn 't centrum va Poperienge), Oalst, êentege plekn in Limburg,... Op 11 november krygen de froaje kiendjes speelgoed e snoep.
Je kut em ook gan verêren in de prochie Loppem, woa dattie de beschermeiligen is. Z'en doa zelfs een relykwie in e schôon zilvern schryn. Ip den tiensten november meugen de kiendjes doa roendgoan ip 't dorp en gan ziengn an de deure bie de menschen. Ze krygen ton e spekke of e koekstje. 't Liedje noemt "Sinte Moartens Oavend" :
Sinte Moartens Oavend,
De torre goa mee no Gent,
En oals me moeder koekn bakt,
Me zittn der geiren omtrent
Stoakt vier, Moakt vier,
Menjere van Sinte Moarten komt ollier:
Me zettn em in et oekstje
Me warmn em ze broekstje
Me ze krentn vestje
Me ze peperbolle kazakstje
M'en gezoengn en m'en gefêest
Ej gin appeltj'of e stikstje vljees
