Zwevezele

From Wikipedia

Zwevezele is een dêelgemêente van Wiengne. De middeleeuwse noame van Zwevezeele was 'Sweveseele', minstens van in de 15e êeuw. Ter zin twee parochies: de die van de Platse (Sint Aldegonde) en de die van 'n Hille (Sint Jozef, 1964). In 1965 oad de gemêente 5277 inweuners. Zwevezele fusioneerde in 1976 met Wiengne.

[bewerk'n] Bezienswoardigeedn

Den toren van Sint Aldegonde is uut de 15sten êeuw. De reste van de kerke is erbouwd in 1965. Het woapenschild van Zwevezele verwist noar nen ehk. In 't nôordn van Zwevezele lign de Munck-busn, met odde schône boomn. Nie bekend, toch styf schône.

[bewerk'n] Bekende Zwevezêelnoars

Jules Sap (1891? -1966), overlevende van den Titanic, wo dan ze van zinne noame 'Sop' oan gemoakt. Voardege naar Amerika om d'r rond Detroit t'elpn in den ôogst van de bêetn. Ter woarn in 't totoal zes Zwevezelnoars op de Titanic oat-ie zonk; ol in de derde klasse. Loater eet ie nog in Vrankrijk in de oogst gewerkt, als 'Fransman'.
Willy Vanneste (°1944), won in 1967 ne rit in de Roende van Vrankryk en droeg ter de gelen trui. Won in 1970 de vierdoagse van Dunkerke en won in 1972 het kampioenschap van Zurich.
Joe Harris, alias Georges Lisabeth (1943-2003), zanger (Drink rode wijn, Meisjes zeggen gauw, Ik wil een knoopje aan je bloesje zijn, ...), brocht zinne jeugd deure in Zwevezele.
André Vandewiele (°1926) kreeg den 22sten ogustus 2006 het ereburgerschap van Wiengne-Zwevezele woar dat-ie geboorn is en weundege tot in 1951.

[bewerk'n] Geschiedenisse

In de joarn tsjestig van de verleen êeuw stond er een motofabrikke in Zwevezele: Claeys-Flandria. Ter woarn wok twee browweryn in de Lichterveldestroate. Ze browden bier en mohtegen limonoade. Eén van die browweryn, Callewaert, was zinnen tyd verre vorut. Ulder limonoademerk, 'White Star' hoht ten latste van achter den Twède Weireldoorlog nen Ingelsen noame (in plekke van ne Fransen dat ton mode was). Moar: ze oan niet allene witte, gele en roo (grenadine) moar wok lichtgroene limonoade! Eeuwige roem!

[bewerk'n] Het citoat

Raymond van het Groenwoud moakte Zwevezele onsterfelyk in Vloandern in zijn lidsje: "Je veux de l'amour" - "'k Heb gezongen in Aalst, Peutie, Zwevezele, Genoelselderen"