Megalosauroidea
From Wikipedia
| iMegalosauroids |
||||||||||||
|---|---|---|---|---|---|---|---|---|---|---|---|---|
 Däsinot elafa Eustreptospondylus, famüla Megalosauridae.
|
||||||||||||
| Dadiläd nolavik | ||||||||||||
|
||||||||||||
|
|
||||||||||||
|
||||||||||||
|
|
||||||||||||
|
Elafs Megalosauroidea äbinons lefamül dinosauras grupa Tetanurae, lurooda Theropoda, kels älifons sis zänoda-Yurat jü fin Kretata. Luveratiko famül elafas Spinosauridae duton lü grup at.
Nem: Spinosauroidea lunomiko pagebon pla nem: Megalosauroidea. Lefamül: Spinosauroidea pänemon ün 1915 fa hiel Ernst Stromer. Ab, if el Megalosaurus dutons lü grup: Spinosauroidea (kelos veraton bai dilets nulädik ti valiks), tän els Spinosauroidea ed els Megalosauroidea binons vo vöds otsinifik. Hiel Paul Sereno ämiedeton grupi: Spinosauroidea ün 1998 as grup, kel keninükon büani komunik elafas Spinosaurus e Torvosaurus, ed i licinafs valik onas. Hiel Thomas Holtz ämiedeton grupi labü nem ot as grup, kel keninükon bidis valik nilikumis ele Spinosaurus, ka ele Passer domesticus. Grups bofik bo keninükons famüli: Spinosauridae. Bai el ICZN, igo kladanems klinik sötons paplaädön üf labons kladapoyümoti kösömik e binons otsinifiks ko klads peleodüköl votik lä, u donü, nivod lefamüla. Mob at ye suvo no pelobedon fa fösilavans valik, pato hiel Sereno.
[redakön] Dadiläd e kladajenav
Hiel Paul Sereno (1998, 2005) ägebom elis Spinosauroidea äs klad (nog labü lefamülapoyümot kösömik) keninükamü els Megalosauridae ed els Spinosauridae. Do els Spinosauroidea pämiedetons büo, no nog dabinon nogan calöfik ad nomükön kladanemis. Bai noms ela ICZN pro nemam kladas famülanivoda, nem: Megalosauroidea labon gitäti büik calöfik ven pagebons as lefamülanem, bi pinemon nestedöfiko fa hiel Thomas Huxley ün 1869; sekü atos, nem: Megalosauroidea itjäfidiko plaädon nemi: Spinosauroidea. Nom at ye no pedemon in literat fösilavik, keninükamü Sereno 2005, kel deimom nemi: Megalosauroidea as parafületik (do el Sereno gebom grupis büo parafületikis votikis, soäs els Coelurosauria).
Dadiläd elas Megalosauroidea binon soik:
SUPERFAMILIA MEGALOSAUROIDEA
- Familia Megalosauridae
- Piveteausaurus
- Subfamilia Megalosaurinae
- "Brontoraptor"
- Edmarka
- Torvosaurus
- Megalosaurus
- Poekilopleuron
- Subfamilia Eustreptospondylinae
- Streptospondylus
- Piatnitzkysaurus
- Eustreptospondylus
- Magnosaurus
- Dubreuillosaurus
- Afrovenator
- Subfamilia Megalosaurinae
- Piveteausaurus
- Familia Spinosauridae
- Chilantaisaurus
- Suchosaurus
- Subfamily Baryonychinae
- Baryonyx
- Cristatusaurus
- Suchomimus
- Subfamily Spinosaurinae
- Subfamily Baryonychinae
