Saurischia
From Wikipedia
| iSaurischia |
||||||||||
|---|---|---|---|---|---|---|---|---|---|---|
 Binod leskela elafas Saurischia (flan nedetik).
|
||||||||||
|
|
||||||||||
|
Edadeadöl (fösil)
|
||||||||||
| Dadiläd nolavik | ||||||||||
|
||||||||||
|
|
||||||||||
|
Elafs Saurischia (se Vöna-Grikänapük: σαύρος = lasär, e ίσχιον = hipayoin) binon bal roodas (ordines) tel dinosauras. Ün 1888, hiel Harry Seeley ädadilädom dinosauris ad roods gretik tel ma hipabinod onsik. Els Saurischia (lasärahipilabikafs) difons de els Ornithischia (bödahipilabikafs) dubä dakipons hipabomabinodi rigik. Dinosaurs mitifidöl valik (elafs Theropoda) dutons lü els Saurischia, ed i bal grupas gretik tel dinosauras planifidöl: elafs Sauropodomorpha. Finü Kretat, elafs Saurischia no bödiks valiks ädadeadons. Jenot at panemon Dadeadam Kretatik.
Els Saurischia ädistikons de els Ornithischia finü period Triatik. Älabons lekelabinodi kilstigädik. Els Ornithischia ävolfükons binodi nulik: lekel ätulon lüodü göb (soäs el ischium), suvo i ägetölo stigädi pluik, kelos äjafon binodi folstigädik. Binod at sümon ad ut bödas, sekü kod kelik dinosaurs rooda at panemons 'bödahipilabiks, du els Saurischia binons lasärahipilabiks. Lekof: hipabinod bödas nulädik evolfon de els Theropoda lasärahipilabik dü Yurat, kelos binon sam volfama kobiköl.
Do dadiläd ela Seeley äblebon kösömik jünu, dabinon i teorod nepluamanumik votik, keli hiel Robert Bakker äpopätükom me buk okik: The Dinosaur Heresies (Härets Dinosaurik). Ma teorod at els Theropoda fomons grupi lönik okas, e grups gretik bal dinosauras planifidik (Sauropodomorpha ed Ornithischia) papladons kobo ini grup votik: elafs Phytodinosauria (planadinosaurs), bai hiel Bakker, u elafs Ornithischiformes, bai hiel Cooper.
[redakön] Dadiläd
- Superordo Dinosauria
- ORDO SAURISCHIA
- ?Eoraptor
- ?Herrerasauria
- ?Agnosphitys
- ?Teyuwasu
- Guaibasaurus
- Subordo Sauropodomorpha
- Infraordo Prosauropoda
- Infraordo Sauropoda
- Subordo Theropoda
- Superfamilia Coelophysoidea
- Infraordo Ceratosauria
- Grup Tetanurae
- Superfamilia Megalosauroidea
- Infraordo Carnosauria
- Grup Coelurosauria
- Superfamilia Tyrannosauroidea
- Infraordo Ornithomimosauria
- Infraordo Segnosauria
- Infraordo Oviraptorosauria
- Infraordo Deinonychosauria
- ORDO SAURISCHIA
