André Lamborelle
Èn årtike di Wikipedia.
André Lamborelle a skepyî li 25 d' awousse 1938.
C' est on grand bouteu pol walon. Il a askepyî u aidî mwintès copinreyes el Bijhe do Lussimbork : Oufalijhe, Manhé, Bastogne, Tchårnoe.
Il a eto scrît sacwants ptits bokets, eplaidîs dins Singulîs, Coutcouloudjoû, Li Rantoele, Li Chwès. C' est des arimeas eyet del prôze nén racontrece, sovint po pretchî pol wårdance do walon.
André Lamborelle n' esteut nén tchôd pol rifondaedje do walon, mins i ricnoxheut ki les rfondeus estént des djins ki cnoxhént foirt bén leu lingaedje.
Il a stî eto prezinteu pol bate di tchansons et des shijhes walones po ls efants, eyet po Mamjhele Lingaedje, la k' il a ovré avou Jean-Philippe Legrand.
Il profite des fiesses ki fjhèt rviker l' tins passé, po stitchî do walon dvins. Metans, tins des rifjhaedjes di l' awousse a Lontchamp-dlé-Bastogne et a Swè.
Si a-t i metou des plakes e walon astok des viyès usteyes do Muzêye di Waene, avou Jean-Marie Lecomte, Jules Hurdebise, Jean-Marie Dehaleux, Pierre André, Léon Sépulcre, Raymont Collin, Joseph Baccus, Joseph Docquier, Willy Seffer, evnd.
Di s' mestî, il esteut prof di sgondaire (latén, grek, francès, espagnol, viyès culteures).
