Wikipedia:Inte di nozôtes
Èn årtike di Wikipedia.
Asteure k' on cmince a-z esse sacwants a ovrer, on-z a mezåjhe d' ene plaece po cåzer inte di nozôtes. On va don sayî d' ataker.
L' idêye d' ene sifwaite pådje n' egzistéve nén cwand l' wikipedia e walon a-st ataké; ça a-st aparexhou avou l' modêye 1.3 do wikipedia, si djel tén bén. Å cmince dji n' saveu nén d' trop çou k' c' esteut; tot-z alant vey so les grands wikipedias i shonne ki c' est po fé ene mwaisse pådje, a môde di Mwaisse pådje, mins po les cis k' ovrént sol pordjet (dismetant kel mwaisse pådje c' est djusse po les cis ki cwerèt des informåcions). Dj' ô bén, k' i fåreut mete chal (et bodjî del mwaisse pådje) li cåde e vete coleur, avou l' tite «Wikipedia» et «Kékès pordjets».
Chal c' est l' plaece po mete tote l' informåcion tecnike sol pordjet wikipedia: kimint fé, pocwè, les rîles a shure, les dzo-pordjets k' ont mezåjhe d' on côp d' pôce, defini çou come prumiristés, evnd.
A vos d' ene miete dire li vosse asteure Pablo
[candjî] Modele po fé les årtikes so les viyaedjes
Lucyin 16 di djanvî 2006 a 20:23 (UTC)
[candjî] Noveatés
I gn a sacwantès noveatés tecnikes sol wikipedia e walon k' ont stî radjoutêyes ces dierins djoûs:
- les modeles di lingaedjes (loukîz a #Dijhoz les lingaedjes ki vos cåzez eyet Wikipedia:Babel
- des efemerides otomatikes sol mwaisse pådje; po çoula on fwait des ptits årtikes, onk po tchaeke djoû d' l' anêye, avou 5 evenmints eyet ene imådjete; eyet les lomer d' après l' moes eyet l' djoû; eyet tchaeke djoû li bon årtike est håyné (vos ploz clitchî so "årtchives des efemerides do moes" po-z ariver so ene pådje avou tos ces ptits årtikes la pol moes; si ça vs dit, vos ndè ploz radjouter/candjî (ça sereut bén di trover pus d' evenmints/nexhances a vey avou l' Walonreye); vos ploz loukî ås cis ddja fwaits po vey kimint ça rote.
- dj' a copyî bråmint d' modeles "Taxobox" do wiki en inglès; po pleur fé les tåvleas dins les årtikes so les plantes/biesses/tchampions avou l' classifiaedje syintifike; dj' a wårdé å pus sovint l' minme no (ou fé on redjiblaedje) come çoula on pout copyî té ké del pådje en inglès et k' ça rote do côp.
- i gn a on novea modele {{sol mape|xxxx|yyyy}} po mete les cordonêyes djeyografikes; el plaece di xxxx on mete les cordonêyes dins ene cogne bén definêye (alez vey sol pådje do modele, c' est espliké) et dins yyyy çou k' on vout mostrer (å pus sovint les minmès cordonêyes, mins dins l' cogne normåle po les djins lére); ça fwait ene hårdêye viè on sierveu ki ki cårcule çoula et mete plin d' loyéns viè des sacwès come li Google Earth, Mapquest, evnd; dj' ô bén, ki tot clitchant dizeur vos ploz vey des imådjes pa spoutnik, des mapes al schåle, evnd del plaece ki vos avoz dné les cordonêyes; loukîz chal po ene djivêye d' årtikes k' eployèt ddja ç' modele la.
[candjî] Uzaedje des ponts
Tot boutant so Eviè Nonne, dji vén di m' rinde seulmint conte k' on n' diveut pont mete di pont al fén d' on tite (nerén azès tiesses di hagnons dins èn årtije ecicolopedike di Wiki).
[candjî] Dijhoz les lingaedjes ki vos cåzez
I gn a asteure so les diferins wikipedias on pordjet Wikipedia:Babel (neni, li pådje e walon n' a nén co stî scrîte... mins vos ploz aler vey e francès: fr:Wikipédia:Babel tot ratindant).
[candjî] C' est cwè ç' pordjet la?
C' est po tchaeke uzeu dire les lingaedjes k' i cåze u k' i comprind, et a ké livea; insi les ôtes uzeus savèt dins ké lingaedje l' atôtchî, ou co po cweri dins les catgoreyes les uzeus ki cåzèt on lingaedje diné (metans, po lzî dmander di ratourner åk).
Dj' a cmincî a fé les categoreyes et modeles po-z aveur çoula chal avou, vos ploz aler vey metans so Categoreye:Lingaedjes des uzeus (les dzo-categoreyes eployèt l' côde iso do lingaedje, come di djusse); ou co sol pådje da minne: Uzeu:Pablo po vey a cwè ça rshonnreut, ou co sol pådje da Uzeu:Diagraph01 po onk ki n' comprind nén l' walon...
[candjî] Kimint fé?
C' est foirt åjhey, i gn a des modeles {{Babel-#}} ki vs permetèt di radjouter çoula åjheymint dins l' pådje d' uzeu da vosse, replaecîz # pa on limero, di 1 a 8 (mins dj' endè pout radjouter s' i fåt) po l' nombe di lingaedjes ki vos vloz mete; et poy, separés pa des bårs d' astampé («|») les lingaedjes avou leus liveas.
Po on lingaedje natif, on mete djusse li côde ISO do lingaedje (wa pol walon, fr pol francès, ar po l' arabe, ro pol roumin, evnd.). Si c' est on lingaedje k' on a-st apris, c' est xx-#, avou xx li côde iso, eyet # on limero di 0 a 4:
- 0: si on n' comprind nén ç' lingaedje la (on n' eploye çoula ki pol lingaedje do wikipedia, metans chal, po les cis ki n' comprindrént nén l' walon)
- 1: on livea fwebe, on pout ene miete lére et comprinde, mins nén vormint l' cåzer
- 2: on livea moyén, on pout lére et scrire ene miete, mins nén
foirt åjheymint
- 3: on hôt livea, on pout lére et scrire åjheymint
- 4: on cåze li lingaedje come si on sereut on cåzant natif, bråmint do vocabulaire, on comprind ttafwait
po ene sakî ki sreut cåzant natif di walon, di francès, avou on livea cåzu-natif d' arabe, eyet ene barbôjhe di neyerlandès (oyi, vos Lucyin :) ), ça dinreut insi, metans:
- {{Babel-4|wa|fr|ar-4|nl-2}}
mi, dj' a metou:
- {{Babel-5|wa-4|es|fr-4|en-2|eo-1}}
walon cåzu-natif, castiyan natif, francès cåzu natif, inglès moyén eyet esperanto fwebe. (notez ossu: "Babel-4" po 4 lingaedjes, "Babel-5" po 5 lingaedjes).
NOTE: i s' pout ki tot fjhant çoula, sacwants lingaedjes/liveas n' aparexhrént nén, et vos årîz des rodjes loyéns al plaece; c' est nén gråve, c' est djusse ki l' modele n' åreut nén co stî fwait, djelzès frè a fwait.
Et si vos n' estoz nén seur do côde iso d' on lingaedje, vos n' avoz k' a dmander.
Pablo 29 d' octôbe 2005 a 02:23 (UTC)
Oyi, mins li Modele arabe ni va nén (loukîz a Uzeu:Lucyin).
Lucyin 9 di djanvî 2006 a 15:40 (UTC)
[candjî] Rencontre Wikipédiens Belges (Bruxelles, 10 décembre 2005)
(je m'exuse, je ne parle pas de walon, néanmoins:) Rencontre Wikipédiens Belges (Bruxelles, 10 décembre 2005)
Quand? - Samedi 10 décembre 2005
Où? - Bruxelles, au Collège Saint-Pierre de Jette, 229 boulevard de Smet de Naeyer [1]
Ordre du jour (proposition):
- 10-12 & 13-15: Partie serieuse (miniconference, bilingue nl/fr)
- 15-...: Partie sociale, (visite de cafe, ...?)
Qui? - Chaque Wikipédien(ne) interessé(e): l'invitation s'adresse naturellement surtout aux wikipédiens Belges, et par élargissement à ceux qui collaborent aux projets wikimedia en langue "Belge" (qui n'est pas définie, donc tout le monde). Une traduction simultanée néerlandais/français semble assurée, avec un peu d'anglais pour faire le pont, s'il y en a besoin. Prière de laisser savoir si tu viens à nl:Wikipedia:Ontmoeten#Concreet voorstel - proposition
Sujets? - voir nl:Wikipedia:Ontmoeten#Topics - Onderwerpen - Sujets (bilingue)
--nl:gebruiker:Francis Schonken 8 d' octôbe 2005 a 00:00 (UTC)
[candjî] Memwere di studiant sol wikipedia
Ene sakî do wikipedia e francès a fwait on memwere di sicolodjeye foirt interessant sol wikipedia, et li manire ki ça rote, d' après li studiaedje di sacwants cas sol wikipedia e francès; on l' pout lére so les fyis; li documint, e PDF, si pout prinde a pårti di la: d'Amour & de Neutralité : Ce(ux) qui résiste(nt).
Pablo 29 d' awousse 2005 a 18:06 (UTC)
[candjî] Clasmint des wikipedias d' après l' nombe d' årtikes et d' cåzants
Sol pådje en:Wikipedia:Wikipedia articles per population do wikipedia en inglès i gn a on clasmint di sacwants wikipedias d' après l' nombe d' årtikes pa miyon d' cåzants; dj' a fwait l' cårcul pol walon (tot prindant l' estimåcion di 600.000 cåzants) et dj' a stî bén sorpris d' vey ki l' wikipedia et walon est al copete do tåvlea (al 3inme plaece) avou 7.300 årtikes pa miyon d' cåzants.
Pablo 18 di måss 2005 a 15:06 (UTC)
[candjî] Pordjet tchampions
- po "rouye", por mi c' est nén l' minme ki "erunixheure"; l' erunixhaedje c' est ene reyaccion tchimike des metås, avou l' ocsidjinne. Adon k' les rouyes c' est des organisses vicants!
- eployî "erunixheure" el plaece di "rouye" c' est nén walonijhî, c' est francijhî! la k' on s' mete a tuzer come e francès.
- a moens, bén seur, k' on eploye "erunixheure" po cåzer des "rouyes"?
- mins c' est nén pask' e francès il eployèt l' minme mot k' on doet esse oblidjîs d' eployî l' minme mot e walon eto; on nel fwait nén po linwe/lingaedje.
- dji rmete "rouye", "micéliom", evnd. come divant; ça pout motit esse candjî, mins ça nel doet esse fwait ki s' i gn a sacwantès djins ki sont d' acoird.
- Pablo 13 di djanvî 2005 a 14:08 (UTC)
Proficiåte åzès cis ki boutèt cial : c' est ene grande prumîre, çou k' on fwait vola.
Come di djusse, gn è va aveur des rujhes, di sayî di mete e walon çou ki s' a fwait, dispu 150 ans, e francès.
On-z a veyou ça avou li rfondaedje di miceliom eyet sporofore (loukîz so les pådjes di copene di ces deus mots la). Mins ci n' est nén çoula ki nos doet fé leyî ouve.
I fåt e minme tins :
- ki les sacwès esplikêyes soeyénxhe d'on livea sincieus come les ôtes lingaejdes.
- sayî di trover on moyén del dire come les djins ki djåzént coramint walon l' årént yeu dit. Come ça, on n' nos pôrè nén fé li rprotche ki li walon, c' est djusse do francès "disformé".
Dji va, divant waire, mete ene pitite lisse di "piceures" po fé pus åjhey a scrire les hagnons so les åbussons / boloes / tchampions.
Lucyin 14 di djanvî 2005 a 15:26 (UTC)
Mande escuze d' aveur sitî trop rade, dji nel frè pus !!!
Dji su bén binåjhe ki vos boutez avou nozôtes, Djan-Pol !
Po l' mot tchampion (des tchamps), vos avoz l' mape des lomaedjes e walon e 1935 a Motî:åbusson.
Pol tchapea, les motîs walons lomént purade çoula "li tiesse" on les pout wårder sinonimes.
po F. rouille des végétraux dji mete les idêyes so Copene:Rouye, dabôrd.
po F. se décomposer, dji metreu purade "pouri" u Motî:breni (divni do brén = pouri a flate).
Asteure k' on a l' sistinme po djåzer, dji n' candjrè pus rén des ôtes uzeus.
Tuzans cwand minme å disfaflotaedje, ene ôte såme do rfondou.
Lucyin 15 di djanvî 2005 a 00:49 (UTC)
po F. touffe, gn a on mot tipike walon: bohêye (a Forire: ene boyêye; dj' a stî cweri ene boyêye di såriete å corti). On dit eto : ene sitoclêye (dedja e motî)
pousser en touffe => abohner; il abohnêye (c' est po les plantes k' ont ene raecene, pocwè nén po les tchampions-åbussons k' avizèt vni del minme plaece (come li coprin noer d' intche). On dit eto: sitocler.
Lucyin 21 di djanvî 2005 a 19:48 (UTC)
F. en forme de walon : a môde di, del cogne d' on, come on... en forme d' oeuf => a môde d' èn oû, del cogne d' èn oû, comeèn oû.
F. plissé => w. cafougnî, racafougnî, rôti, pleuti, ratchitchî.
Binamès soçons,
Dji su d' akwârd po utilizè :
"cafougnî", "come on", "bohêye", "pouri"
Dj'inmrot bin ôrdè li mot rouye po l' maladie des plantes
JPGrandmont 28 di djanvî 2005 a 10:46 (UTC)
[candjî] Francijhas
Si vos vo avoz adû a dire ene sacwè d' ene façon, et ki vos trovoz k' i gn a bråmint mî, vos l' ploz mete les rcandjmints dins l' pådje Francijha.
[candjî] Pordjets
Sol pådje Wikipedia:Pordjets i gn a sacwants pordjets k' on pinse k' i sont pus consecants pol moumint; paski, come on n' est nén bråmint des djins a-z ovrer sol wikipedia e walon, i fåt bén tchoezi la wice k' on va "furler" nosse tins.
Onk des pordjets, li ratournaedje di l' eterface, est assez bén avancî po çou k' est d' l' eterface leye minme; mins les pådjes d' aidance mankèt co mwints côps, i manke li pådje po dire les pondants et les djondants so les imådjes (kimint les eployî, mins ossu, et copurade, cåzer des licinces), manke eto ene pådje pol nouve et clapante fonccionålité des modeles, parey po les categoreyes.
Motoit k' on dvreut fini ces bokets la å pus abeye; mins dji vôreu eto saveur çou k' vos pinsez des tecses d' aidance ki sont ddja fwaits, est çk' i sont bén scrîts? åjheys a comprinde? est çki ça vs a aidî? Gn a-t i des sacwès a candjî?
- Po ç' ki concernéye li mwaisse pådje, pokwè nin mète les tites des pordjèts pa ôre alfabètike puski c' est fè po les cis ki botè su les ovradjes ou rikwèrè des informacions ça duvrè èsse pu åjî rikwèri li tite di l' artike.
- Les pordjets ni vont normålmint nén sol mwaisse pådje, mins chal (on côp k' on åreut decidé çou k' on vout mete so cisse pådje ci).
- End a nén telmint (
ene cwénzinne?), oyi on les pout relére alfabeticmint mins c' est nén tant on problinme.
- Sol mwaisse pådje, d' èn ôte costé, c' est trop pezant tos les loyéns, li pådjes est trop longowe.
- Po bén fé, i fåreut djusse des loyéns po des mwaiss
ès intrêyes po tchaeke sudjet, on seu loyén "lingaedjes", on seu loyén "tchampions", evnd.
- L' aroke c' est ki pol moumint on n' a nén co ces mwaissès intrêyes di fwaites, et k' i manke avou les årtikes ki vont å mitan et ki frént l' loyén inte les mwaissès sudjets et les årtikes k' egzistèt ddja.
- Dins les pordjets i gn a, djustumint, ene pådje ki dene li djivêye des mwaisses sudjets.
- Vos ploz loukî al mwaisse pådje do wikipedia e francès, metans, po ene idêye di çou k' on dvreut aveur on djoû (i gn a troes bokets: mwaisses sudjets, ki ça n' candje nén; sudjets d' actouwålité (sacwants årtikes ou sudjets metous en avant pask' il ont a vey avou l' actouwålité), et des sudjets ene miete a l' astcheyance, l' årtike del samwinne, des "savîz vs ki...")
- Enfin po vosse ovradje su l' padje d' aidance ele est aujî a comprinde et bin faîte.
JPGrandmont 13 di djanvî 2005 a 09:01 (UTC)
- Gråces
- Mins i manke co l' aidance so les imådjes, les modeles, les categoreyes,... est çki, dins çou ki manke, i gn a ene sacwè ki vos pinsoz est pus importante et k' i fåreut ataker avou?
- Pablo 13 di djanvî 2005 a 14:08 (UTC)
[candjî] pordjets biesses et plantes
Dins l' sistematike, fåreut vey li valixhance k' on va dner å mot "sôre" di biesse : (epèce ?) On pôreut eto riprinde li vî mot walon "indje" (F. genre ?) k' a dné nindje.
Lucyin 27 di djanvî 2005 a 00:40 (UTC)
Po çoulà, dji pinse vos polu d'ner on bea cop di spale. Dji so paleyontologisse. Adon les sôtes di biesses, dji conè bén.
Po "sôre", dji pinse qu'il est mau r'fondu, mins c'n'est nén l'problinme. I m'chone qu'on l'divréve wårder come on mot généralisse. Dji vos propose "espece", come è francès, ou adon "s(i)pèce". Po les ôtes : jenre, famile, ôrde, classe, ècouchemint.
Maîsse Arsouye 30 d'avri 2006 à 9:28
Dins l' årtike "Taesson" i gn a ene boesse avou l' classifiaedje syintifike; la dj' a eployî, dins l' ôre: "ringne", "sôre", "classe", "ôre", "famile", "djinre", "espece".
Pol plupårt des mots, c' esteut-st åjhey; mins po "phylum", dji n' saveut nén trop cwè, et dj' a metou "sôre" po les biesses et les plantes; dins les årtikes des tchampions c' est metou "divizion". "ecoxhmint" mi shonne esse on bea mot et on pôreut-st insi l' eployî po les plantes, biesses et tchampions. Djel candje la: Modele:Phylum (po les ôtes, c'est dins: Modele:Regnum, Modele:Classis, Modele:Ordo, Modele:Familia, Modele:Genus)
Loukîz eto al pådje di pordjet Wikipedia:Pordjet biesses po des idêyes sol rindjment des especes (eto po tos les pordjets sol wikipedia e walon)
gråces
Pablo 2 d' may 2006 a 17:15 (UTC)
[candjî] pordjet amagnîs walons
fåt i fé ene categoreye avou ça ???
Lucyin 27 di djanvî 2005 a 00:40 (UTC)
[candjî] Hagnons di l' esplicant motî : kibén d' mots a-z î mete ?
Dji n' so nén tchôd po mete des viebes parints dins l' minme hagnon. Metans :
Tchaeke viebe enonde ene novele rîlêye di parints (avou -aedje, -eu) ki n' sont pus des parints direks do no-bodje.
Lucyin 27 di måss 2005 a 08:42 (UTC)
- Mins cwand l' mot eyet s' viebe sont foirt aloyîs k' i gn a k' on seu sinse? (come "djîsse 1" eyet "djîstrer")
- Ôtrumint, on pout eto tot dispårti; mins dji n' voe nén pocwè "djîsse/djîstrer" n' pôrént nén aler eshonne, adon ki vos avoz des intrêyes avou des viebes et mots parints avou bén pus d' l' adire dins les sinses. Èn rovyîz nén ki tos les mots ont ene pådje da zels (ki ça pout esse on redjiblaedje), adon, on pout rcandjî d' plaece ou les adjinçner come on vout, on-z est bén pus al libe k' avou on motî so papî
- Dji so po n' leyî k' on mot tot seu cwand l' intrêye est foirt longowe
- Pablo 27 di måss 2005 a 10:14 (UTC)
Dji pinse ki Pablo est dins l' bon.
JPGrandmont 28 di måss 2005 a 16:04 (UTC)
[candjî] noûmots & rfondaedje
- Pablo vos avez one foirt bone idéye. En effet li rifondu walon c' est bin, mais i n' faut nin ki po les mots dèdja kinochus dins nosse lingadje i gn' ôye k' on accint rédjional ou k' one manîre di scrîre on mot (ki n'sôye riprésintéye ki dins l' motî d'Forire, Lîdje ou Transène) mais i faut ossi tinu conte des ôtès djins ki plèt nos lîre dins on prèmî timps et pu vinu nos aspalè ou boutè po d' bon avou nos. Dji pinse ossi ki po les noveas mots ça sèrot mî d'ôrdè et di respèctè l'idéyée do prèmî scrîjeû (ça attiro motôt sakantès walons a vinu nos ridjonde). C' est po çoula li mî c' est d' cåzè inte nos åtes divint d' fè ou d' candjè one artike.(come vos l' fiez Pablo) avant d'candjè çu k'a stî scrî.
JPGrandmont 13 di djanvî 2005 a 09:01 (UTC)
- Dji pinse oyi ki l' rifondou walon c' est, aprume, ene manire di scrire, ene comone ortografeye, po scrire d' ene seule manire les mots ki sont les minmes, ki tertos sont d' acoird po dire ki c' est l' minme mot.
- C' est nén po candjî les mots ou mete on mot el plaece d' èn ôte (bén ki, c' est bén del fé, et di replaecî on mot pa èn ôte pus bea, mins çoula n' a rén a vey avou li rfondou walon, c' est do stîle di scrijhaedje, ça s' pout fé po tos les lingaedjes, di cweri après des pus beas mots, di fé des pus belès fråzes. Les cis ki sont foirts la dvins fijhèt minme des lives et wangnî des pris. Des ôtes vont scrire avou èn ôte stîle, da zels... li stîle c' est do scrijheu, l' ortografeye c' est da tertos).
- Po çou k' est des noûmots, li mî c' est cwand on noûmot tecnike est propôzé ou aspoyî pa ene djin (ou sacwantès djins) ki l' dominne d' uzaedje c' est leu mestî (ou leu passion), pask' adon i serè-st eployî po do bon eyet spårdou.
- ça n' sieve a rén d' edvinter des noûmots djusse pask' on l' pout fé, et ki n' vont måy esse eployîs.
- Eto, cwand c' est on calcaedje, i l' fåt scrire tot shuvant les rîles di l' ortografeye do rfondou, eyet l' walonijhî tot shuvant l' fonoledjeye do walon; mins nén oblidjî d' aler vey çou k' ça åreut polou teyoricmint dner si l' mot aveut vnou direk do latén, so ene cwénzinne di siekes, a pî. (a noter ki les sincieus mots n' ont måy vinou direk do latén ou do grek, dins nou lingaedje; i n' a pont d' avance di sayî d' fé les cwanses e walon).
- I fåt ossu, po les calcaedjes, k' ont ricnoxhe li calcaedje (ôtrumint, si l' mot n' est nén ricnoxhou, i n' serè nén eployî, li mot francès serè-st eployî el plaece). On sfwait calcaedje, c' est djusse li mot "francès" (k' est çou k' est eployî spontanêymint) adapté ås rîles do walon. Et dji mete "francès" inte wiyemets paski c' est nén do francès, c' est on mot sincieus latén/grek, et ces mots sont les minmes dins tos les lingaedjes romans, tîxhons et minme slaves; i gn a k' l' ortografeye ki candje ene miete. Si tos ces lingaedjes la polèt eployî l' mot sins problinme, li walon el pout avou.
- Çou k' i fåt tuzer, c' est a ene minme manire di scrire on minme boket latén/grek, et di tofer li scrire parey (eg: biyo-, -lodjeye, djeyo-, -metreye, diya-,...), dj' ô bén, fé come les ôtes lingaedjes fijhèt.
- po les noûmots ki n' sont nén des calcaedjes, mins des fijhaedjes a pårti do walon (come "copiutrece") la c' est diferin, mins la c' est ossu pus målåjhey pol mot passer, la i fåt vormint ki les cis ki pôrént eployî l' mot soeyexhe d' acoird. Ça a stî l' cas po "copiutrece", djustumint, les cis ki c' est leu mestî, ou leu passion, d' ovrer avou les copiutreces ont eployî l' mot.
- po ds ôtes propôzaedjes di noûmots po les copiutreces, il ont stî abandnés, paski les cis ki c' est leu mestî ou leu passion d' ovrer avou les copiutreces n' ont nén bén sintou l' noûmot.
- po çou k' est di les mete dins l' esplicant motî, on noûmot d' calcaedje pout esse metou a pårti do moumint wice k' il aparexhe pol prumî côp dins on tecse; paski, c' est çou k' on eploye, la k' les cis ki cåzèt walon cåzèt eto l' francès.
- mins po les noûmots askepyîs a pårti d' bodjes walons, on nel pout nén mete do côp, i fåt k' i soeye eployî pa sacwantès djins, so ene termene di tins di pol moens sacwants moes.
-
- Pablo,
- Vos avez raîzon a 100 % et asteûr i nos fåt boutè avou les rîles ki vos vnez di dnè. C' est l' seûle manîre di fè riknoche li rifondu.
- I gn' a dédja nin bramint d' walons ki lijèt l' walon è èco mwins ki scrîjèt (paski si n' est nin åjî), si on n' rind nin nosse lingadje al poirtée di totes les djins on va l' fè moru di s' bèle moirt.
- Si n' est nin po rin k' i gn' a des waloneûs (bins pu å courant ki mi su l' walon) ki djèt ki li rifondu est artificiel èt incompréinsib. Ossi po ni nin l' zi dinè di kwè nos critikè i nos fåt boutè èsonne et mète di costè nos pitites brouyes. C' est nosse lingadje k' est l' pus impoirtant, nos åtes, nos n' fiant ki passè su l' têre mais l' walon du continuè a vikè.
- Totes mes amitiés
- JPGrandmont 13 di djanvî 2005 a 20:37 (UTC)
[candjî] rifondaedje et sudjets coinreces
Po li r'fondaedje des årtikes di Nameûr et avaur-là, sayoz di wårder les coinreces omonimes et cognes ( nén -èt mins -nut, nén Walonreye mins Waloneye,... ). Ca s'reûve bén binamé.
Maîsse Arsouye 18 di may 2006 a 20:29 (UTC)
Çoula c' est sorlon kî k' a scrît les årtikes li prumî; mins bén seur vos ploz todi les rinde "pus coinreces" (tot dmorant dins l' ôrtografeye do rfondou: codjowaedje, tchuze d' on mot purade k' èn ôte,...); vos l' sårîz fé bén mî k' nozôtes. I fåreut co des djins do payis po totes les ôtes coines di Walonreye :-)
Pablo 21 di may 2006 a 12:36 (UTC)
[candjî] Stîle
[candjî] Pårticipes prezintreces
L' uzaedje des pårticipes prezintreces est foirt diferin e walon ey e francès.
- On n' l' eploye måy tot seu:
- on diccionaire dinant li sinse des mots ==> on diccionaire ki dene li sinse des mots.
- Dizo uzaedje di djerondif, on l' eploye avou tot u avou e.
- Tot passant pa Nåwinne, dj' a stî vey li Fornea Sint Mitchî.
- E m' aprestant, tot m' raezant, dji m' a tot kernaxhî.
Lucyin 30 di måss 2005 a 21:32 (UTC)
- dji dvreu portant nén fé cisse flotche la; e castiyan c' est l' minme (on n' dit nén "un diccionario dando el significado..." mins "un diccionario que da el significado...")
- Pablo 30 di måss 2005 a 23:57 (UTC)
[candjî] årtikes, eciclopedeye eyet pont d' vuwe neute
C' est ene des mwaissès rîles do pordjet wikipedia di tofer wårder on pont d' vuwe neute dins les årtikes; dj' ô bén ki, les årtikes, c' est po mete des fwaits, ou, si on prezinte des idêyes, po dire ki c' est des idêyes ou des croeyinces, et nén les prezinter come des vraiyes.
C' est impôrtant, c' est les rîles do pordjet, k' a-st askepyî bén dvant nozôtes, on les doet shure.
Insi, on n' pout nén mete dins èn årtike so les emacralés mots k' i fåt fé insi ou inla po dismacraler té ou té mot; pask' adon ci n' est pus des fwaits k' on mete, mins les idêyes do ci ki scrît.
Si on vout dire li sinne, i gn a les pådjes di copene, li pådje d' uzeu da sinne, eyet les pådjes do dominne tecnike (k' ont "Wikipedia:" pa dvant) come cisse-chale.
Cisse rîle est impôrtante a shure po n' si nén margayî et distrure li pordjet (pol moumint on n' est waire, mins ratindez k' on soeye ene miete di pus, et k' on cmince a fé des årtikes so des sudjets pus tchôds, metans sol politike, avou des uzeus ki sont d' avis contraire... la on s' rind conte di tote li consecance di cisse rîle la)
Pablo 13 di djanvî 2005 a 19:12 (UTC)
[candjî] Emacralés nos d' viyaedje
[candjî] Fotos
Pablo,
Dj' candjè les fotos di l' artike "Fås åbusson" pask' i gn' avève one pitite fåte dins l' no latin scrît su zeles. Vos plez disfassè les fotos Lactarius vellereus 1.jpg et Lactarius vellereus 2.jpg eles sont rimplacéyes par Lactarius vellereus 1b.jpg et Lactarius vellereus 2b.jpg
Grâce et mile escuzes po l'ovradje ki dji v' dène !
JPGrandmont 20 d' djanvî 2005 a 10:57 (UTC)
- Euh, c' est l' minme no latén! vos n' av' fwait k' mete on b pa drî l' limero...
- A... dji comprind! c' est *dins l' imådje* ki vos avoz fwait on candjmint.
- Dins ç' cas la, vos dvoz eberweter l' imådje dizo l' minme no, i gn årè on messaedje dijhant k' ene imådje avou ç' no la egzistêye dedja, et dmander si vos l' voloz vorment spotchî avou l' novele; vos respondez k' oyi et c' est l' novele imådje ki serè-st eployeye.
- I n' vos fåt eberweter avou èn ôte no d' fitchî ki cwand vos vloz candjî l' no do fitchî, oudonbén mete ene imådje diferinne tot wårdant l' viye; cwand vos vloz replaecî l' viye imådje avou ene nouve modêye, el fåt eberweter avou l' minme no.
- ça fwait k' dji disface les noveles imådjes, eyet les reberweter avou les vîs nos.
- PS: pa des côps i gn a des imådjes so commons, di clapante cwålité; adon on les pout eployî directumint, nén mezåjhe di rén eberweter (loukîz par egzimpe a glumiante colibeye, les fotos vnèt di commons, les poirtraits ont stî saetchî pa èn almand)
- Pablo 20 d' djanvî 2005 a 13:01 (UTC)
[candjî] Vey eyet manaedjî les imådjes
I gn a des pådjes sipeciåles po vs aidî a manaedjî les imådjes:
- Djivêye des imådjes, li no d' totes les imådjes, k' on pout relére pazès dates, nos, grandeu; eyet taper ene tchinne po cweri après les imådjes ki corespondèt;
- Galreye des nouvès imådjes, les dierinnès imådjes, veyowes tchaeke en imådjete
- Imådjes nén eployeyes, les imådjes ki s' trovèt sol sierveu mins ki n' sont eployeyes dins nol årtike (atincion ki des imådjes k' i gn a sont metowes come "nén eployeyes", adon k' ele sont-st eployeyes, c' est les imådjes eployeyes dins des vîs årtikes, ki n' ont nén stî candjîs dispoy li passaedje al modêye 1.4 do programe mediawiki)
- Totes les Pådjes sipeciåles
Eto, vos ploz aler vey so les cmons wikipedia po vey s' i n' a nén ddja ene imådje e dominne publike ou GFDL ki vos pôrîz eployî (les imådjes di cmons s' eployèt del minme manire ki les imådjes locåles; c' est djusse k' ele si trovèt dins èn ôte sierveu, eployî e cmon pa tos les wikipedias): http://commons.wikipedia.org/
La avou, vos ploz aler sol loyéns "Pådjes sipeciåles" sol hintche et vey les novelès imådjes, cweri des imådjes, evnd. Les imådjes sont eto metowes pa categoreyes; eyet des dzo categoreyes, çou k' aide a trover çou k' on cwire après; vos ploz vey li djivêye des categoreyes a pårti del pådje des pådjes sipeciåles
I gn a ene categoreye sol wikipedia e walon po vey les imådjes ki sont-st e dobe sol wikipedia e walon eyet so commons:
si vos voeyoz ene imådje k' est dins l' cas, metoz {{NowCommons|li no so commons}}, insi les årtikes ki l' eployèt polèt esse candjîs eyet l' imådje disfacêye pus tård.
[candjî] Nos d' djins
[candjî] Avou des dvancetes di provnance
- Djihan d' madi
- Roland d' Lassus
Lucyin 26 d' avri 2005 a 00:17 (UTC)
[candjî] bondjoû do singlé
c'est l' saglé des ardnnes qui causent ast'eur. Dje trouv vot site vrémin bin mé dj'vourdo dir quin'y est quand même des conniries tourtout vôs sites. A quand qu'on se revèrait. Le gros vèra de pourcé.
- Bén l' bondjoû a vos, ça fwait vormint plaijhi d' vey ki d' pus a pus d' djins s 'interessèt a ç' pordjet ci, et å lingaedje walon.
- si vos voeyoz des biestreyes ou des sacwès ki n' sont nén djusses dins des årtikes, ni balzinez nén po l' dire, come çoula ça pout esse coridjî.
- pareymint, s' i gn a on sudjet ki vos vôrîz bén vey des årtikes so ç' sudjet la, vos l' poloz dmander chal, ou co dner les informåcions ki vos årîz.
- gråces
- Pablo 5 di may 2005 a 16:37 (UTC)
[candjî] Élections des stewards / Stewards election
Bonjour,
L'élection des stewards a commencé sur m:Stewards/elections 2005. Pour voter, il faut être actif depuis plus de 3 mois sur un projet et avoir un compte sur Meta. Faites un lien vers votre compte ici si vous êtes actif ici. Les stewards sont responsables de la nominations des admins sur les projects où il n'y a pas de bureaucrates, ainsi que divers autres droits (bots, etc.). Les dix stewards avec le plus de voix seront élus (au moins 30 voix avec + de 80 % de oui). Allez-y ! Yann 18 di may 2005 a 21:30 (UTC)
Hello,
The stewards election has started on m:Stewards/elections 2005. Anyone can vote provided that he has a valid account on meta with a link to at least one user page, on a project where the editor is a participant, with at least 3 months participation to the project. Stewards can give sysop right on projects where there are no local bureaucrate. Please vote ! Yann 18 di may 2005 a 21:30 (UTC)
PS: Please translate this and put it in the Village Pump. Thanks. Yann 18 di may 2005 a 21:30 (UTC)
[candjî] Årtike Gotale
Est çki l' contnou d' l' årtike "Gotale" c' est bén çou k' i fåt; nel fåreut i nén rlomer e "Gotea (Bayamont)" ou "Gotea (aiwe)" ? (c' est l' no d' on rixhot; li seu loyén viè "Gotale" c' est a pårti del pådje "Bayamont")
Pablo 10 di djulete 2005 a 22:19 (UTC)
[candjî] Pådjes a disfacer
[candjî] Wåfrî
Tiri dit ki ça dvreut purade esse "wåflî" (mins on dit å pus sovint "fier a wåfes"); come l' årtike n' a cåzu nou contnou, dji so pol disfacer; alez vey si pådje di copene po pus di racsegnes et dire li vosse so çou k' i fåreut fé. Pablo 2 d' awousse 2005 a 20:04 (UTC)
amon nouzôtes, on dit in fiêr a wåfes, mais ossi in wåflî et nin in wåfrî. Borbouze 28 d' octôbe 2005 a 13:48 (UTC)
I va; dji mete wåflî (dj' a eto fwait les intrêyes do motî: Motî:wåflî, a verifyî si c' est bén comifåt). Dins l' wikipedia en inglès i gn a-st on longou årtike so les fiers a wåfes; ça fwait ki dj' va wårder l' pådje (djusse candjî s' no), eyet ratourner l' årtike inglès. Pablo 28 d' octôbe 2005 a 14:31 (UTC)
[candjî] Dimandes di mots
[candjî] Glés
A rfoytant lu Glossêre du Gaston Lucy, dju wès lu mot " Glés" ku l' Gaston dène coume deux bwès mètus a crwâ dins ène tchèrpante.
Dju n' atinds jamwês pu cåzer d' ça ; putète, a savèz- du pus. Pablo, si vous n'ôz nin çu glossêre-la, dju pus vous djonde a èn iméle. Borbouze 28 d' octôbe 2005 a 13:56 (UTC)
- Dji pinséve ki dj' aveu respondou, dj' a motoit rovyî d' clitchî sol boton po-z evoyî :-)
- Dji n' so nén on grand sincieus la dvins, mins dji m' dimande si ça n' pôreut nén esse li minme raecene ki "gléjhe" (eglijhe, li mot egzistêye co dins sacwants nos d' plaece, e francès "Gleize/Gleixhe") li vî vî mot po "croes" c' esteut "croejh"; del minme manire "gris" si prononce co "grij" a plaeces (eyet ça rispite å femrin: grijhe), ça fwait k' on candjmint gléjh -> glés pôreut shure li minme tchimin.
- vola c' est djusse ene idêye come ça
- (et dji vou bén ki vos m' emilrîz l' glossaire, oyi, gråces)
- Pablo 4 di decimbe 2005 a 21:24 (UTC)
[candjî] Rouye - rouyes
Après Bayamont et les viaedjes alantoû, on n' di nin rouye pou dl' èrunixheure, mês bin " rougne ". On dit in fiêr "arougnî". Ça fwêt dayeur sondjî al rougne (salamandre)
Pou les rouyes des plantes, on dit : les grins sont malådes. Si on dot trêter å "fongicide", fåt z-èsse adon pus spèpieu et fwêre la difèrance atère oïdium, rouye djône û brune, fusariose, evnd pou polu aployî çu ki convint
Borbouze 15 di nôvimbe 2005 a 08:32 (UTC)
Oyi, e walon on n' dit nén "rouye" (såf pol maladeye des plantes) mins bén "rune" ou erunixheure (dins l' årtike "rune" i n' a nén les diferints prononçaedjes; mins on les pout adviner a pårti d' l' årtike "eruni").
Si vos voeyoz "rouye" po erunixheure dins èn årtike, vos l' poloz bén candjî et mete "erunixheure" al plaece a tos côps bons.
Pol maladeye des plantes, on-z a wårde "rouye", epront do francès, la k' on n' a nén trové d' mot walon.
PS: dj' a dispårtî e troes l' årtike so les floreyès fetchires ki vos avîz fwait, onk pol famile (eyet l' ôre, come i n' a k' ene seule famile on fwait on seul årtike), èn ôte pol djinre Osmunda eyet èn ôte pol royåle osmonde (l' espece: Osmunda regalis); come çoula les årtikes so les diferinnès especes si polèt rindjî al boune plaece.
Pablo 15 di nôvimbe 2005 a 16:57 (UTC)
[candjî] Viaedjes - viyaedjes
1,- Dj'avos bin du må pou rtrouver lu nom des viaedjes dins Wiki. Djus vins du m' rinde compte ku nos ortografes nu concordat nin. Pour mi, viadje û viaedje, c'est OK. Adon, poucwè co vnu avu in "y" ? Dju sés bin ku dins ène cwane û l' ôte, la pronciacion est viladje, à prononçant lu "L". Est-ce pou çoula ? A m' idéye, c'est brâmint des lètes pou nin grand'tchose. I n' fårot nin tout compliker, pasku cand on dot rkèru yôk si l'ortografe est trop spèpieuse, lu rkèradje nu va nin du tout.
- li mot viyaedje si prononce viladje, viyèdje, viadje;
- cwand i gn a les deus prononçaedjes y/l (et co pa côps ly eto) inte deus voyales on screye å pus sovint y e rfondou (meye, veye, åjhey, biyet, brouyård,...)
- li prononçaedje e deus sillabes (vi-yadje, vi-yèdje, vi-ladje) est pus corante k' avou ene sillabe (vyadje).
- por vos les trokes C-i-y-V si prononcèt todi C-y-V, i m' shonne, mins a d' ôtès plaeces li i pa dvant li y s' ôt bén distinctumint
2,- La djivéye des viadjes est fwârt longue et, mu san.ne-t-i, sins orde. Nu fårot-i nin les mète dins l'orde alfabétike, avu ène prèmîre djîvéye du 2 letes pou rèchu dul mwêsse-voye ?
Vlèz v' bin î taper èn oûy ? Grâces.
Borbouze 4 di decimbe 2005 a 16:13 (UTC)
- C' est relî alfabeticmint sol no del rebanêye comene; et poy po tchaeke comene, shuvèt les ptits k' endè fwait pårtêye, relîs alfabeticmint eto (såf cwand onk a dné l' no a l' novele comene, il est al copete)
- Po des kesses ou des idêyes sol manire di scrire on no d' plaece, on l' pout fé sol pådje Wikipedia:Pordjet viyaedjes di Walonreye
- Pablo 4 di decimbe 2005 a 21:14 (UTC)
[candjî] Bénvnowe åzès Normands
Li lingaedje normand a asteure si wikipedia da sinne; vos l' poloz aler vey so http://nrm.wikipedia.org/
C' est, si dj' conte bén, li 3e wikipedia po on lingaedje d' oyi, après l' francès eyet l' walon. Pablo 28 di måss 2006 a 14:12 (UTC)
[candjî] Kurów
Could they please write a stub http://wa.wikipedia.org/wiki/Kur%C3%B3w - just a few sentences based on http://en.wikipedia.org/wiki/Kur%C3%B3w , DE, NL or FR wiki? Only 2 -5 sentences enough. Please. Pietras1988 16 di djun 2006 a 18:13 (UTC)
