Augustin Villers
Èn årtike di Wikipedia.
Villers, Augustin a skepyî e 1748 et a morou, tot djonne, d' èn accidint di tchvå e 1794 (e plin mitan des Revintreyes). Il a scrît li prumî diccionaire do walon d' Måmdey: Dictionnaire wallon-françois, k' a parexhou e 1793. Di s' mestî, i fourit politikî et conseyî dizo les deus dierins Princes-abés d' Måmdey. Il aveut studyî l' droet a Lovén. Si diccionaire fourit replaidî, dizo scrijhaedje Feller, pa Jean Lechanteur e 1999.
[candjî] Sistinme d' ortografeye do motî da Villers
Villers si sieve d' ene ortografeye k' il a lu-minme edvinté po noter l' lingaedje k' il oyeut djåzer a Måmdey. Villers eploye li scrijha xh, po noter li son do Levant walon, ki serè tot bounmint scrît H e sistinme Feller. Mins, sol Principåté di Ståvleu-Måmdey, ci son la pout aveur troes prononçaedjes diferins: H, ixh-låte, et axh-låte. Joseph Bastin vout ki li scrijhaedje xh soeye on betchfessî scrijha, po-z aconter ces troes prononçaedjes la. Jean Lechanteur a les pinses ki neni, ki Villers n' a volou scrire kel son H.
