Baykonour
Èn årtike di Wikipedia.
Baykonour (Байконур) est ene veye do Kazaxhtan adminstrêye pal Rûsseye, constrûte po siervi li Cosmodrome di Baykonour. Ele si loméve å cmince Leninsk (Ленинск), et si no a stî candjî e Baykonour li 20 d' decimne 1995.
Li vraiye Baykonour esteut ene pitite veye di fosses, sacwantès cintinnes di kilometes å nôrouwess. On aveut dné ç' no la å cinte sipaciå po wårder sicret si vraiye plaece, do tins del froede guere. Li no baykonur vént do kazaxhe et vout dire haiti brun, dj' ô bén, ene tere fertile avou bråmint del yebe.
Li plaece aveut-st eto on no e kazaxhe divant d' î costrure Leninsk, ci no la esteut Tyuratam, çou ki vout dire siketêye fletche, mins on sfwait no n' aléve nén po ene båze d' enondaedje di fizêyes.
Li vicåreye del veye des stoeles come ele est eto lomêye imådjreçmint, shût les hôts et les bas des programes sipåciås sovietikes et poy rûsses.
