Cambron-Castiô
Èn årtike di Wikipedia.
Cambron-Castiô (Cambron-Tchestea), c' est èn ancyin ptit ban del Walonreye, e F. Cambron-Casteau, rebané avou Brujlete; limero diyalectolodjike: [Mo 3]; limero del posse: 7441 (nén candjî).
- Discrexhaedje del djin: 1801: 730 (483 å Tchestea, 247 a l' Abeye); 1846: 731; 1910: 473; 1961: 363; 1976: 416.
- arondixhmint d' Ate dispu 1977 (divant, c' esteut arondixhmint d' Mont, did la li limero diyalectolodjike Mo3).
[candjî] Djeyografeye
viyaedje metou so Tinre, a ene plaece k' ele toûne bråmint, did la, si no Cambron, do bodje gayel cambaro (ki toûne).
[candjî] Istwere
Les troes viyaedjes metous so Tinre: Cambron-Castiô, Cambron-Sint-Vinçant et Cambron-l'-Abeye (Cambron-Mairie), ci n' esteut fok on viyaedje å cmince, ki c' esteut des béns-fonds di l' abeye Sint-Dnis dilé Paris (751), k' elzès rvinda å tchapite di Sougniye e 1053. Li deujhinme viyaedje, c' esteut l' abeye cistercyinne, askepieye pa sint Biernåd e 1148. I fourit anixhilé på decret imperiå do 8 fructidor di l' an XIII (26 d' awousse 1805). Li tchestea d' Gaviamé, distrût e 17inme sieke, est dandjreus li cåze do lomaedje "Cambron-tchestea".
[candjî] Economeye
Grande plinne di bounès teres, des deus costés d' Tinre. Grandès cinses: li Wespelire (60 ectåres), li cinse di l' Abeye (55 ectåres).
