Codjowaedjes da Doutrepont
Èn årtike di Wikipedia.
Les codjowaedjes da Doutrepont, kel tite e francès, c' est Tableau et théorie de la conjugaison dans le wallon liégeois, c' est l' prumî grand studia so les codjowaedjes e walon, atuzlé pa Georges Doutrepont. Si soûmint, c' est l' walon d' Lidje.
L' ovraedje rascoda l' medaye d' ôr al 11inme bate di 1890 del SLLW.
Elle fourit eplaideye e BSLLW e 1892 (e tome 19, p. 15-134), divant l' cene da Julien Delaite (p. 135-215).
[candjî] Trokes di viebes da Doutrepont
Doutrepont pårtixh les viebes e cwate trokes :
- Les deus prumîrès trokes di viebes sont come les sfwaits viebes avou -er e francès (modele "chanter") et -i (modele "cueillir" et "finir").
- Po troejhinme troke, i s' aspoye so des codjowaedjes do latén. Insi, les viebes avou l' cawete -ere, li troejhinme troke da Doutrepont, respondèt ås viebes avou -eur å coron d' l' infinitif (aveur, poleur, saveur, voleur) avou, e rawete, aporçure et riçure.
Li cwatrinme troke rascove tos les ôtes viebes del 3inme sôre do francès.
[candjî] Rimetaedjes des trokes da Doutrepont ås trokes da Hendschel
| Sôre di viebe | Limero Doutrepont | Limero Hendschel |
| Viebes come bouter | 1 | 1 |
| Viebes come waitî | 1 | 2 |
| Viebes come tcheryî | 1 | 3 |
| Viebes come prusti | 2 | 4 |
| Viebes come doirmi | 2 | 5 |
| Viebes come poleur | 3 | 5 |
| Viebes come code | 4 | 5 |
