Flayea
Èn årtike di Wikipedia.
on flayea, c' est ene usteye des cinsîs did dinltins, fwait di deus bwès emantchîs eshonne pa on corion d' cur, et k' i bouxhént avou so les djåbes di dinrêyes po lzès bate.
Li bataedje å flayea si fjheut purade di l' ivier, sol batire u aire di gregne. On djheut kel bateu flayive so les djåbes.
Gn aveut sovint deus u cwate bateus ki flayént e minme tins, ça fjheut on brut ki riméve l' ovraedje : tipe et tape et tipe et tape.
Cwand c' esteut do swele po fé des toets di strin, on n' pleut nén bate å flayea.
Po les prononçaedjes do mot "flayea" e 20inme sieke, riloukîz e splitchant motî.
[candjî] Les pîces do flayea
- li mantche u mantegne :1.50-1.80 metes long.
- li fier k' est å dbout do mantche : ferome u veroûle.
- L' anea metou å dvout do fier
- Li boket ki bouxhe so les grins : li ma u l' make u l' mårtea, u l' bate u l' bata u l' batire: 60 cm long.
- Li tchape di cur metowe å dbout do bata.
- Li loyeure, u les corietes, u l' acope, u l' acopleure, u l' cur : gros corion d' cur ki passe deus a troes côps dins l' tchape et dins l' anea, et ki tént les deus mwaissès pîces eshonne.
