Forcoridjaedje
Èn årtike di Wikipedia.
On forcoridjaedje, c' est on fås coridjaedje d' on mot, u d' ene tourneure di croejhete, tot rcopiant ene ôte rîle u èn ôte son, foirt corants, mins ki n' s' aplikèt nén dins ç' cas la. Afeye, les forcoridjaedjes prindèt modele so des sorwalondes, ki polèt esse riwaiteyes come des vîs forcoridjaedjes k' ont passé dins l' lingaedje.
Ådvins |
[candjî] Forcoridjaedje des mots walons avou -AN-
- egzimpes foirt corants: danser, dimander sont sovint forcoridjîs e dinser, diminder.
- candjî => kindjî
- Hey flamind! Fårè /cindjî/ tes dints (Composs Binde)
- ôte egzimpe pus råle: efant => infint
[candjî] Forcoridjaedje -JH- ki dvént -DJ-
- scrijhaedje => scridjâdje.
[candjî] Forcoridjaedje di croejhete
- Metaedjes d' addjectifs calkés do francès divant l' no (å pus sovint, i dmorèt padrî).
- Li Sawoudite Arabeye (l' Arabeye Sawoudite).
- Metaedje d' adviebes u d' advierbires divant èn infinitif u on pårticipe erirece.
- S' el corant åreut yeu stî podbon metou (metou podbon).
[candjî] Forcoridjaedjes et linwe-ehåyaedje
Les sorwalondes mostrèt k' i gn a des forcoridjaedjes ki passèt podbon dins l' lingaedje. On pout admete ki li plaeçaedje, a tot côp bon, do prono coplemint divant l' aidant-viebe est on forcoridjaedje, mins k' est rloukî come ene rîle pa sacwantès soces di scrijheus, come les Relîs Namurwès.
