Grand-Lé

Èn årtike di Wikipedia.

Grand-Lé (fr: Grand-Leez) c' est èn ancyin ptit ban del Waloneye, rebané avou Djiblou.

Dimorants: ~2.000 djins
Limero del posse: 5031 (vî limero 5938)
Limero diyalectolodjike: Na 13

C' est on ptit viyaedje tipike del Hesbaye, avou bråmint des plaeces a vey.

Ådvins

1 Nos d' plaece di Grand-Lé
- 1.1 hamteas
2 Istwere
3 A voey
4 Difoûtrinne hårdêye

[candjî] Nos d' plaece di Grand-Lé

[candjî] hamteas

Limlete
Laimåle (e F. Laid-Mâle)
Pitit-Lé
Pont des Pådjes (e F. Pont-les-Pages)
Repeumont
Såci
Taravizêye
Trô (e F. Trou)
Vilcran
Waerixhet

[candjî] Istwere

Gn ava des djins d' Grand-Lé po-z ebaguer eviè l' Wisconsene sol difén do 19inme sieke; i gn a minme ene plaece låvå k' a stî lomêye "Grand-Lé" (asteure ele poite li no d' "Lincoln").

[candjî] A voey

[candjî] Li tchestea di Ptit-Lé

Li tchesta d' Pitit-Lé c' est des costrujhaedjes di brike eyet di bleuwe pire, rashonnés åtoû d' ene aire rectangulåre, eyet ki datént do 17inme å 20inme sieke; mwints côps rifwaits.

On-z î intere pa ene åtche ki s' trove a l' inglêye nôr-ouwess. A nonne, i gn a-st on grand lodjisse di stîle tradicionel, avou sol prumî livea ene pire avou ene date di 1618 eyet les åres des contes di Gromberghe; li lodjisse a deus tours di 5 liveas di tchaeke costé. Sol droete do lodjisse, i gn a les ståves avou ene sitocaesse tour di deus liveas, ki datént ambedeus del prumire mitan do 17inme sieke. Les costés a Bijhe et å Levant sont do 19inme sieke, apus k' ene poite å Levant ki date di 1673.

[candjî] Li molén Defrenne

C' est on molén a vint, basti d' brikes e 1830, al copete d' on ptit tiene; il est di ronde cogne. I fourit classé come monumint l' 17 d' octôbe 1962 eyet ristôré e 1990 avou l' contribouwaedje des pouvwers publiks.

Li mônî riçût lu-minme les viziteus eyet fé do guide po lzî espliker les pondants et les djondants do mestî d' mônî et do molén. Li frumint est molou avou del pire naturele, ki toûne avou l' vint, cwand end a, oudonbén avou on ptit moteur electrike.

[candjî] Li vevî

Po fé l' otovoye E-411, on poujha å såvion po les travos. Cisse pitite såvnire la si rimplixha d' aiwe ki vneut des sourds des ålintoûs, eyet fé on ptit vevî.