Henri Bragard
Èn årtike di Wikipedia.
Henri Bragard a skepyî e 1877 et a morou come prijhnî des nazis e l' Almagne e 1943.
Henri Bragard, c' est l' neveu da Nicolas Pietkin, et l' continouweu d' ses idêyes. C' esteut on scrijheu do payis d' Måmdey, et on bateu pol dislaxhaedje del Walonreye Prûsyinne, et après 1919, siconte do raloyaedje des Redîmés Payis a l' Almagne da Hitler.
I mousse å Club walon e 1898 (dizo l' no d' pene di Fré Matî), et do côp endè divni prezidint (1899). I va adon scrire dins l' "Årmonak del Samwinne", et dins "Li Viye Sprewe", k' il eplaide lu-minme di 1927 a 1931.
Dedja tot djonne, il aveut scrît ene epopêye “Djerome Savonarole” (1900), mins bråmint avou s' mononke. Çou k' on-z a purade ritnou d' lu, come mwaisses sicrijhaedjes, c' est des nozés ptits arimeas, ki si rsintèt des tchansons almandes. C' est po ces arimeas la, eplaidîs après s' moirt, kel Hinri Bragard a stî relî dins grosse antolodjeye da Piron, il est eto metou dins l' Eciclopedeye do Movmint walon.
Hinri Bragard a eto scrît des rimêyès pîces di teyåte : “Royinne des Bwès” (1925), et “On djoû al fagne…” (1939). Les scrijhaedjes da Henry Bragard sont spårdous håre et hote. I n' ont måy sitî ramexhnés.
Di s' mestî, il esteut publicisse (do tins del Walonreye prûsyinne), pu, come Bedje, il esteut eployî d' ene societé d' electricité (1925-1940).
