Lorin (lingaedje)
Èn årtike di Wikipedia.
lingaedjes > indo-uropeyin > italike > galo-roman > lingaedje d' oyi > lorin
Li lorin, c' est on lingaedje d' oyi djåzé el Gåme (Walonreye), et on grand boket del Lorinne di France. Li lorin djåzé el Walonreye, on lome li Gåmès.
Ådvins |
[candjî] Djeyografeye do lorin
- Gåme bedje (arondixhmint d' Vierton).
- Tot l' dipårtumint d' Mouze (el France).
- Tot l' dipårtumint d' Meute-et-Mozale (el France).
- Tot l' dipårtumint des Vôjes.
- Li tîce coûtchantrece do depårtumint del Mozale.
Les lingaedjes diléreces vijhéns do lorin:
- Lingaedjes tîxhons:
- Li lussimbordjwès (Payis d' Årlon et Bijhe do depårtumint del Mozale).
- l' alzacyin (do depårtumint del Mozale).
- Lingaedjes romans:
- li walon (tchestrolès) a Bijhe.
- li tchampwès å Coûtchant.
- li bourguignon a Nonne.
[candjî] Vicansté do lorin
Li lorin est studyî a l' univiersité di Nanci. Il est djåzé dins sacwants viyaedjes. Mins gn a nou pordjet di rfondaedje. Li gåmè est co oyåve dins l' teyåte et dins les bates di recitaedjes el Walonreye.
[candjî] Istwere des sons do lorin
- Fornaiviaedje del troke RS eviè on son ixh-låte (diviè 1500), pu on son CH (come dins Méch-divant-Vierton). Li son ixh-låte esteut mårké X, et c' est ç' lete la k' a dmoré e scrijha "francès" (Meix devant-Virton).
