Pålmî ås dates
Èn årtike di Wikipedia.
Li pålmî ås dates, c' est èn åbe ki crexhe ezès payis del Mîtrinne Mer et å Moyén-Levant, et ki dene des dates.
Po les etertini, i fåt rceper les foyes do dzo, ki souwèt. On fwait çoula al mwin, avou des hepietes (c' est des djins ki gripèt so l' åbe). Dins les veyes, on-z a eto des camions avou des elevateurs.
Li pålmî prodût après ene vintinne d' anêye; i pout co esse assez ptit (troes metes), et ddja poirter. On code li troke di dates tot gripant dins l' pålmî.
No e sincieus latén : Phoenix dactylifera L.
Li pålmî ås dates ni doet nén esse maxhî avou l' pålmî a l' ôle.
Po des linwincieusès racsegnes sol mot "pålmî", alez s' vey e splitchant motî.
[candjî] Uzaedjes do pålmî ås dates
- codaedje des dates, et leu vindaedje
- codaedje des vetès dates (aablou)
- soyaedje des foyes po les fors å pwin
- eployaedje do bwès po les plafonds des måjhons d' tere
- plantaedje dins les cortis et l' long des voyes
[candjî] Maladeyes do pålmî ås dates
- bayoute (bayoud, fuzariôze)
[candjî] Les dates el Walonreye
On les dnéve al Sint-Nicolai.
Sacwants sôres di setchès dates estént lomêyes couneas d' beguene.
Po pus di racsegnes, sayî di trover cist årtike cial, sicrît pa Paul Hermant : Les noms des dattes, eplaidî dins Folklore Brabançon, 1939-1940, nos 109-114, pp. 76-83 (rahouca [G93] dins l' djivêye des motîs do walon).
