Motî:rafiyî
Èn årtike di Wikipedia.
rafiyî (codjowaedje) si rafiyî [v.pr.]
1. esse binåjhe d' avance, tot ratindant ene sacwè. Dji nos rafiyans di vs vey vini å raploû do moes d' måss (P. Otjacques). C' est Påke dimegne ki vént, Dji m' rafeye di saveur si vos m' payroz m' cocogne (H. Mahy). Loukîz a: sohaitî, s' agranci, si ragranci, transi. F. attendre impatiemment, se réjouir d'avance, espérer, avoir hâte de. >> Dji m' rafeye di vey ça: Dji ratin do vey (comint çki cisse sacwè la va tourner). Franwal: ahåyant po: "j'ai hâte de voir cela; qui vivra verra; ". >> On s' rafeye di vs vey vini a...: Franwal: ahåyant po: "Nous avons le plaisir de vous inviter à...".
2. bén inmer. Les djins s' rafiyèt di des femes a vs fé houri (R. Mouzon). F. se délecter, se régaler, tomber sous le charme de, aduler, adorer.
Etimolodjeye: viebe si fiyî, betchete ra-.
| rafiya [o.n.] çou k' on s' rafeye après. Dji vou rovyî l' laide moirt k' epoite avou leye nos djoyes, nos trezôrs et nos rafiyas (J. Defaweux). Pinsez pol fiesse di Noyé, sacwantès eures di påye dins les payis wice ki totafwait va cou dzeu cou dzo, ça nos dinreut li rafiya ki l' atelêye s' arestaxhe. (C. Massaux). Loukîz a: espwer, atimprance. F. espoir, aspiration, attente joyeuse. >> rafiya måy n' as: to n' as måy çou k' to t' rafeyes d' aveur. F. tu n'as jamais l'objet de tes rêves. >> fås rafiya: sacwè k' on s' rafeye après lonmint et k' on n' a nén. A n' sohaitî ki çou k' on-z a, on n' fwait måy nou fås rafiya. F. fausse attente, espoir déçu.
Etimolodjeye: cawete -a.
| rafiyance [f.n.] estance d' onk ki s' rafeye après åk. Kimint wådréns ns nos rafiyances ? (M. Lejeune). F. espérance, désir.
Etimolodjeye: cawete -ance.
| rafiyåde [f.n.] moumint d' rafiya. Nosse langue c' est l' seuve ki tchereye nos rafiyådes. Nolu n' sait mes tourmints, mes rafiyådes et mes poennes såf Djezus (R. Viroux). F. aspiration, attente, souhait.
Etimolodjeye: cawete -åd.
| rafiyant, rafiyante [o.f.n.] onk (ene) rindou après ene sacwè. F. amateur, fan. >> rafiyant d' nateure: onk (ene) ki voet voltî l' nateure. F. écologiste, natiraliste.
Etimolodjeye: cawete -ant, 1990.
