Rediveuse etimolodjeye
Èn årtike di Wikipedia.
Ene rediveuse etimolodjeye, c' est ene etimolodjeye ki va siconte li cene ki les djins sont d' acoird avou, divant. Eto, e walon, ci serè ene etimolodjeye ki serè diferinne do clasmint do mot dins li Franzözische Etimologische Wörtenbuch.
Po les nos d' plaeces, ci serè ene atuzlêye ki n' a nén stî corwaiteye ni pa Albert Carnoy, ni pa Jules Herbillon.
Ådvins |
[candjî] Sacwantès rediveusès etimolodjeyes dins l' esplicant motî
[candjî] minêye
(divize)
[candjî] trûler et strûler / troûle
"trûler" et "strûler" vinèt d' on mot latén tribulare (kischeure). Ça va bén avou:
- li disfondowe namurwesse strîler (minme cossemaedje ki rîle / rûle, mape A.L.W. 1.83).
- les sinses ki broyî des påtes u do setch pwin tot l' kischoyant inte ses deus mwins k' on cafroye ene siconte di l' ôte.
- les stindaedjes di sinse di "s' apougnî", ridobler.
- li stindaedje di sinse di "ene trûlêye di" (bråmint des), come des mietes di pwin strûlé.
Tant k' a "troûle" (omonime coinrece: trûle), i vént purade do latén trublium (sôre di schiele, dandjreus k' on meteut les pexhons dvins). Ça va bén avou:
- li rfondowe e walon (troûle), ki va avou on U e latén.
- Li sinse di "troûler" (apicî des pexhons avou ene troûle).
L' esplicaedje di trûlêye est classike; l'esplikêye di "troûle" est rediveuse eneviè li cene di J. Haust (ki vout k' ça vegne do latén tribulare eto), k' aveut ddja stî discåzêye pa Von Warburg (ki dene ene etimolodjeye greke).
