Seracuze
Èn årtike di Wikipedia.
Ene seracuze, c' est ene sôre di grosse îpe avou des arondeyès dints, saetcheye pa deus tchvås u on tracteur.
Li passaedje å seracuze si lome seracuzaedje (on va seracuzer).
Des ôtes ekipaedjes polèt fé l' minme ovraedje : picoteuse et kischoyante îpe.
Po les dnêyes linwistikes sol mot "seracuze", alez s' vey e splitchant motî.
[candjî] Discrijhaedje d' ene seracuze.
L' adire etur ene seracuze et ene îpe, c' est k' les dints del seracuze fijhèt rsôrt et sont montés so èn aessi. Eto, on les pout clintchî tot saetchant so on levî ki tént so on crama. A ç' moumint la, les dints moussèt pus fond dins tere.
[candjî] Discrire li seracuzaedje.
On seracuze so les royes di tcherowe po on prumî ctaeyaedje des royes, et bén sovint, on l' fwait e croes (dins les deus sinses). On rpasse avou ene îpe après, po fé on fén lét al simince et l' ricatchî après l' semaedje.
On pout eto eployî l' seracuze pol ringuiaedje.
[candjî] Istwere des seracuzes.
L' usteye a amoussî el Walonreye diviè les anêyes 1920. On l' a eployî disk' aviè les anêyes 1980.
