Tchåte
Èn årtike di Wikipedia.
Ene tchåte, c' esteut, el Moyinådje, on papî oficire ki li coû del veye ou do viyaedje dinéve ås djins ki volént aveur on documint po prouver k' il avént atchté oudonbén vindou åk.
Å pus sovint, li tchåte esteut discôpêye e deus pårts: li prumire, ki li coû (li mayeur et les scabéns) wårdéve, si loméve li dzeutrinne (li pårt do dzeu) et li deujhinme, ki li ci ki vindeut wårdéve, si loméve li dzotrinne. S' i gn aveut deus djins k' estént la, li prumî wårdéve li deujhinme pårt - li mîtrinne (li cene do mitan) - et li deujhinme wårdéve li pårt do dzo - li dzotrinne.
S' i gn aveut on rclamaedje, k' ene sakî vleut ki li tchåte esteut fåsse, i gn aveut on moyén d' aveuri tot ça. Inte les deus (ou les troes bokets), on scrijheut li mot " chirographe " et on côpéve les bokets å mitan do mot. Po-z aveuri, on rmeteut les bokets onk padzo l' ôte, et si les tchåtes estént vraiyes, les deus mitans do mot s' acoirdént ttafwaitmint.
Li mot "tchåte" a eto des ôtes sinses.
