Tchanson e walon
Èn årtike di Wikipedia.
Ene tchanson e walon, c' est ene tchanson ki les paroles sont pår e walon. Li ci (cene) k' elzès tchante divant les djins u fé des plakes avou, c' est on tchanteu e walon (ene tchanteuse e walon).
Les tchansons e walon sont les pus vîs cnoxhous tecses e walon. Les prumires datèt d' aviè 1600.
E 17inme et 18inme sieke, gn a yeu eto les Noyés walons.
Tot on tins, on tchantéve les tchansons e walon so des airs al môde di des tchansons e francès. On pleut aveur deus u troes diferins tecses sol minme air. Metans Lolote eyet l' pantalon trawé.
Gn a des rlomêyès bates di tchanson e walon, come li Grand Pris del Tchanson e walon, k' a stî replaecî pal fiesse del tchanson e walon (a cmincî di 1999).
Li tchanson e walon li pus cnoxhowe totavå, c' est li ptite gayole.
Li cene k' a stî l' pus hôt dins les hit-parådes, c' est sins manke Djhan Pinson, k' a stî limero onk tot on tins e Kebek (divant Céline Dion).
C' est ene tchanson e walon, li Tchant des Walons k' a divnou l' ime nåcionå del Walonreye.
Sacwantès viyès tchansons e walon ont stî rashonnêyes dins des lives di tchansons e walon.
Li tchanson est eto bén vicante dins les ôtes pitits lingaedjes d' oyi.
[candjî] Sacwantès rlomêyès tchansons e walon
- A ! l' djeu d' bale
- A l' eglijhe di Bålet
- C' est l' cafè
- Djhan Pinson
- Dji monte sol tram
- Dins les rouwales
- Djihan d' Nivele
- "Èç n' est nén co Framriye" (e picård borin)
- El mambo del loke a rlocter
- Leyîz m' plorer
- Li bea bouket
- Li pantalon trawé
- Li ptit banc
- Li ptite gayole
- Li Tchant des Walons
- Li tchant des Lidjwès
- Li tchant des Vervîtwès (Por mi, dji so fir)
- Lolote
- Mareye Clape-shabots
- Monsieu del Bourlote
- No pôve gade est crevêye
- Todi sol voye
- Todi walon
- Vive Nameur po tot
