Teri
Èn årtike di Wikipedia.
on teri, terisse, u teri d' fosse, c' est on nouzome hopea d' tere, bråmint pus hôt k' ene måjhon, k' a stî fwait (aprume di 1800 a 1960) avou les vudaedjes des riketes des fosses å tcherbon.
Èndaler å teri, c' est aler cotchter. Li ci ki fjeut cisse ovraedje la, on l' loméve on cou d' teri.
Li mot "teri" est on mot walon k' a passé e francès; po l' etimolodjeye, riwaitîz dins l' esplicant motî.
[candjî] Les teris après l' djocaedje des houyires
Eto, on tuze, dispu 2003, di wårder les teris, nén seumint come rilikes di nosse patrimoenne industriyel, mins eto po fé del verdeure dins les Noers Payis.
Dispus 1989, ça a ddja stî insi dins l' Nôr di France.
[candjî] Clasmint des teris walons.
- les nén cotchtåves: 53 åcint des teris walons. On pout tuzer torade a ndè fé des vetès plaeces.
- les cotchtåves (47 %), k' on-z î pôreut co rsaetchî del hoye, avou des nouvès tecnolodjeyes.
Gn a asteure (2004) on pordjet d' askepyî ene "tchinne" di teris (emé les nén cotchtåves) a fé viziter pås tourisses, come on mostere des veyes istorikes, sol piceure di çou k' s' a fwait e Nôr di France.
