Holopedia
Wikipedia (chū-iû ê pek-kho-choân-su) beh kā lí kóng...
Holopedia (Holopedia ← Hi-lia̍p-gú ὅλος "lóng-chóng/ka-nn̂g" + παίδεια "kàu-io̍k"; tha̍k Hō-ló-phí-dī-ià) sī Hō-ló-oē pán ê Wikipedia. Holopedia iōng Pe̍h-ōe-jī chit-thò bûn-jī hē-thóng lâi siá Hō-ló-ōe. Holopedia kàu taⁿ ū 2,415 phiⁿ ê bûn-chiuⁿ.
Bo̍k-lo̍k |
[siu-kái] Pán-pún
Holopedia ē-sái pun chò 2-ê bô kāng sî-tāi ê pán-pún. Tī 2004 nî 5 goe̍h chìn-chêng ê pán-pún khǹg tī holopedia.net ("kū Holopedia"). 5-goe̍h-té khai-sí hām Wikipedia ha̍p-chok 1-ê sin pán-pún.
Holopedia.net sī goân-pán, kap Wikipedia iōng kāng 1 thò nńg-thé (MediaWiki), m̄-koh hām Wikipedia bô cho·-chit koan-hē. Tân Pek-tiong sī holopedia.net ê hoat-khí-jîn kiam hêng-chèng jîn-gôan. Ka-ji̍p Wikipedia liáu-āu, kū Holopedia tō bô koh-chài iōng. Bûn-chiuⁿ lóng-chóng ū 138 phiⁿ.
[siu-kái] Ka-ji̍p Wikipedia
User:Pektiong tī 2004 nî 5 goe̍h hiòng Wikipedia siā-khu thê-chhut Hō-ló-oē Wikipedia ê sin-chhéng-àn, kúi kang liáu-āu khai-sí ūn-chok. Ka-ji̍p Wikipedia ê sî, hi-bāng iōng RFC 3066 phiau-chún ê zh-min-nan chò gí-giân tāi-hō kiam bāng-lō· chū-chí ê thâu-chêng koeh. M̄-koh chi̍t-khai-sí ū siong-koan ê ki-su̍t jîn-gôan ū bô-kāng-ê khòaⁿ-hoat. In koat-tēng iōng zh-cfr chit-ê bô phiau-chún ê tāi-bé. Che sī ISO 639 ê zh tàu SIL ê Bân-lâm-gí pian-bé, cfr). Āu--lâi kái iōng minnan, chòe-āu chiah koh kái chò zh-min-nan.
In-ūi ki-su̍t būn-tê ê koan-hē, kū Holopedia iû-goân ū chiâⁿ-pah-phiⁿ bûn-chiuⁿ iáu-bōe sóa lâi tī Wikipedia.
[siu-kái] Cheng-gī
Holopedia ka-ji̍p Wikipedia liáu-āu, bat ū Wikipedia-lâng giâu-gî i chûn-chāi ê thò-tòng-sèng kap siá-chok ê hong-sek. Giâu-gî ê lâng chú-iàu lâi chū Hôa-bûn-pán ê Wikipedia, chóng-sī oân-ná ū 1~2-ê-á kî-thaⁿ jîn-sū kong-khai tî-gî. In ê lūn-tiám pau-koah:
- Hō-ló-oē iōng la-teng-jī siá ū chèng-tī tōng-ki (chhiáⁿ chham-khó "thoat-Hàn");
- Iōng hàn-jī siá, lâng chiah khòaⁿ ū;
- Ē-hiáu la-teng-jī ê lâng siuⁿ chió, siá--chhut-lâi ê bûn-chiuⁿ tiāⁿ-tio̍h ū phian-chha;
- Ē-hiáu tha̍k-siá Hō-ló-oē-bûn ê lâng siuⁿ chió, siá--chhut-lâi ê bûn-chiuⁿ tiāⁿ-tio̍h ū phian-chha;
- Bân-lâm-gí chí-sī 1-ê hong-giân, bô èng-kai ū pek-kho-choân-su; èng-kai tâu-ji̍p Hôa-bûn siá-chok chiah-sī chiàⁿ-lō·.
[siu-kái] Le̍k-sú
[siu-kái] 2007 nî
- 2007 nî 4 goe̍h 13
- Tē 2400 phiⁿ bûn-chiuⁿ siá seng-bu̍t jiân-liāu.
- 2007 nî 3 goe̍h 12
- Chù-chheh ê iōng-chiá chhiau-kòe 300 lâng.
- 2007 nî 1 goe̍h 27
- Tē 2300 phiⁿ bûn-chiuⁿ siá pháiⁿ-thé.
[siu-kái] 2006 nî
- 2006 nî 12 goe̍h 20
- Tē 2200 phiⁿ bûn-chiuⁿ siá kong-kiōng ūn-su.
- 2006 nî 11 goe̍h 1
- Tē 2100 phiⁿ bûn-chiuⁿ siá Jon Lech Johansen.
- 2006 nî 10 goe̍h 11
- Tē 2000 phiⁿ bûn-chiuⁿ siá Koeh-niau.
- 2006 nî 9 goe̍h 8
- Tē 1900 phiⁿ bûn-chiuⁿ siá Hoé-chio̍h.
- 2006 nî 8 goe̍h 3
- Tē 1800 phiⁿ bûn-chiuⁿ siá Na (goân-sò͘).
- 2006 nî 7 goe̍h 4
- Tē 1700 phiⁿ bûn-chiuⁿ siá goân-chú.
- 2006 nî 5 goe̍h 20
- Tē 1600 phiⁿ bûn-chiuⁿ siá Silvio Berlusconi.
- Chù-chheh ê iōng-chiá chhiau-kòe 200 lâng.
- 2006 nî 3 goe̍h 21
- Tâi-oân Liân-ha̍p-pò pò-tō Holopedia. [1]
- 2006 nî 3 goe̍h 17
- Tē 1500 phiⁿ bûn-chiuⁿ siá Ka-lí-tìn.
- 2006 nî 1 goe̍h 6
- Tē 1400 phiⁿ bûn-chiuⁿ siá Sù-tô· Hêng-toān.
[siu-kái] 2005 nî
- 2005 nî 11 goe̍h 21
- Tē 1300 phiⁿ bûn-chiuⁿ siá Thiⁿ-ông-chheⁿ.
- 2005 nî 10 goe̍h 19
- Tē 1200 phiⁿ bûn-chiuⁿ sī Sò·-hôan-chin. Chit phiⁿ bûn-chiuⁿ pún-té khan tī holopedia.net.
- 2005 nî 9 goe̍h 15 hō
- Tē 1100 phiⁿ bûn-chiuⁿ siá Labrador.
- 2005 nî 7 goe̍h
- Toytoy's proposed policy for wiki closure (Eng-bûn ûi-chú) chit hūn thê-àn kiông-lia̍t iau-kiû Wikipedia chhú-siau sió-hêng ê gí-giân pán-pún, te̍k-pia̍t sī Holopedia, kiat-kó hō· siā-khu hó·ⁿ-koat.
- Chù-chheh ê iōng-chiá chhiau-kòe 100 lâng.
- 2005 nî 6 goe̍h 30 hō
- Tē 1000 phiⁿ bûn-chiuⁿ siá Hu̍t-chú iông-ha̍p.
- 2005 nî 5 goe̍h 13 hō
- Tē 900 phiⁿ bûn-chiuⁿ siá chóng-thóng.
- 2005 nî 4 goe̍h 5 hō
- Tē 800 phiⁿ bûn-chiuⁿ siá Vaticano.
- 2005 nî 3 goe̍h 7 hō
- Tē 700 phiⁿ bûn-chiuⁿ siá Kuwait.
[siu-kái] 2004 nî
- 2004 nî 10 goe̍h 29 hō
- Tē 500 phiⁿ bûn-chiuⁿ chhut-sì. (Tâi-oân Ko-sok-thih-lō·)
- 2004 nî 5 goe̍h
- User:Pektiong hiòng Wikipedia siā-khu thê-chhut ka-ji̍p Wikipedia ê sin-chhéng-àn, kúi kang liáu-āu khai-sí ūn-chok. Bāng-chām ê hù-he̍k-miâ (sub-domain) pún-té sī zh-cfr (ISO 639-1 + Ethnologue tāi-bé), āu--lâi kái minnan, lō·-bóe chiah kò·-tēng iōng zh-min-nan (RFC 3066). Hit-sî holopedia.net ū 138 phiⁿ bûn-chiuⁿ.
- 2004 nî 1 goe̍h
- Khai-sí iōng sin-ê Holopedia ang-á-phiau.
[siu-kái] 2003 nî
- 2003 nî 7 go̍eh
- User:Pektiong tī http://holopedia.net/ (bo̍k-chêng bô-hāu) tàu MediaWiki, khai-sí khai-hòng hō· lâng pian-chi̍p.
- 2003 nî 4 go̍eh
- User:Kaihsu thê-chhut Holopedia ê siūⁿ-hoat.
[siu-kái] Gōa-pō· liân-kiat
- Kū Holopedia (archive.org ê khó·-pih)
