Sin-bûn sū-kiāⁿ

Wikipedia (chū-iû ê pek-kho-choân-su) beh kā lí kóng...

Sî-kan: 12:48 UTC   |   Ji̍t-kî: Sì-goe̍h 18

[siu-kái] 10 goe̍h 16

• Bí-kok kap Lō͘-se-a ê kho-ha̍k-ka chhoē tio̍h siāng tāng ê hoà-ha̍k goân-sò͘ Uuo, goân-chú-hoan 118. 2002 nî bat ū ké-paû ê hoat-hiān, chit pái ū keng-koè khah giân-keh ê khak-jīn. (Reuters)

[siu-kái] 10 goe̍h 13

2006 nî ê Nobel Hô-pêng Chióng pan hō͘ Bangladesh ê Muhammad Yunus kap i hoat-khí ê Grameen Gîn-hâng, in-ūi "in chhut-la̍t ùi ē-kha-chân khí-chō keng-chè kap siā-hoē khai-hoat". (Nobel Ki-kim-hoē)

[siu-kái] 10 goe̍h 9

Google kong-si tng teh hām soàⁿ-téng iáⁿ-phìⁿ bāng-chām YouTube tâm bé-siu, khó-lêng ē ēng kè-ta̍t 16.5-ek bí-kim ê Google kó͘-phiò kā YouTube bé--lo̍h-lâi. Nā kóng-liáu hó-sè, hoān-sè kin-á-ji̍t tō ē kò͘-pe̍h. (WSJ)

[siu-kái] 10 goe̍h 5

Thian-bûn-ha̍k-ka hoat-hiān 1 khoán sin ê thài-iông-hē-goā he̍k-chheⁿ (extrasolar planet) hō chò ke̍k-té-chiu-kî he̍k-chheⁿ (ultra-short-period planet). (BBC)

[siu-kái] 10 goe̍h 4

2006 nî ê Nobel Hoà-ha̍k Chióng pan hō͘ Bí-kok Stanford Tāi-ha̍k ê Roger D. Kornberg. I gián-kiù chin-he̍k sè-pau tī hun-chú chân-chhù ê choán-lio̍k (transcription) thêng-sū. (Nobel Ki-kim-hoē)

[siu-kái] 10 goe̍h 3

2006 nî ê Nobel Bu̍t-lí-ha̍k Chióng pan hō͘ Bí-kok ê John C. Mather kap George F. Smoot. In "hoat-hiān ú-tiū bî-pho poē-kéng hok-siā (cosmic microwave background radiation) ê o͘-thé (black body) hêng-sek kap i ê anisotropy". (Nobel Ki-kim-hoē)

[siu-kái] 10 goe̍h 2

2006 nî ê Nobel Seng-lí-ha̍k I-ha̍k Chióng pan hō͘ Andrew Z. Fire kap Craig C. Mello 2 lâng. In "hoat-hiān RNA kan-jiáu (interference): siang-tiâu RNA [ē-tàng] kā gene (ki-in) kuiⁿ-tiāu". (Nobel Ki-kim-hoē)

[siu-kái] 9 goe̍h 26

Abe Sinzô kin-á-ji̍t chèng-sek tòng-soán, chē-ūi chiâⁿ-chò Ji̍t-pún tē-90-jīm ê siú-siòng, i mā-sī in kok chū Tē-jī-chhù Sè-kài Tāi-chiàn kah taⁿ, siōng-kài siàu-liân ê siú-siòng, kin-nî chiah 51-hoè.

(IHT)

[siu-kái] 9 goe̍h 20

Ji̍t-pún Chū-iû-bîn-chú-tóng kin-á-ji̍t soán-kí chóng-chhâi, ū-koân soán-kí--ê sī in tóng ê kok-hoē gī-oân (403-ê) kap tóng-oân (300-phiò), kiat-kó Abe Sinzô tòng-soán, i sī Chū-iû-bîn-chú-tóng tē-21-jīm ê chóng-chhâi, pān-phoe tī 9 goe̍h 26 ê lîm-sî kok-hoē hoē-kî--ni̍h, Abe Shinzo ē soà-chiap Koizumi Zyun'itirô chiâⁿ-chò Ji̍t-pún ê tē-90-jīn siú-siòng. (Yomiuri)

[siu-kái] 9 goe̍h 19

Thài-kok hoat-seng chèng-piàn. Kun-tūi thàn chóng-lí Thaksin Shinawatra tī Bí-kok chham-ka Liân-ha̍p-kok tāi-hoē ê sî, khòng-chè chèng-hú kap tiān-sī-tâi, soan-pò· kài-giâm. Che sī Thài-kok chit 15-tang thâu-chi̍t-pái ê kun-tūi chèng-piàn. Kun-hong tī keh-tńg-kang kóng, in chip-chèng sī chiām-sî--ê, tī chèng-tī kái-kek liáu-aū, ē kā chèng-koân hêng hō· jîn-bîn.(FT)

[siu-kái] 7 goe̍h 23

Í-sek-lia̍t khong-kun kè-sio̍k hong-chà Lī-pa-lùn. Lī-pa-lùn ê Hizb Allah mā tùi Í-sek-lia̍t pak-pō͘ tàn hui-toâⁿ. Chū 7 goe̍h 12 khai-sí kau-chiàn kàu taⁿ, siōng chió ū 350 ê Lī-pa-lùn-lâng, 36 ê Í-sek-lia̍t-lâng sí-bông. (BBC)

[siu-kái] 7 goe̍h 17

Ìn-nî goā-hái koh hoat-seng 7.7-kip ê tē-tāng, hái-tiòng tī Java-tó lâm-hoāⁿ khí-soaⁿ, ū 54,000-lâng hông chhian-soá, 200-ê lâng sit-chong, chhiau-koè 525-ê lâng sí-bông. Chit-pái ê hái-tiòng mā hō· lâng khai-sí giâu-gî: sī án-choáⁿ 2004 nî tang-lâm-a toā-hái-tiòng liáu-aū, kéng-kò hē-thóng iáu bô kiàn-li̍p hó-sè, sán-seng lō·-iōng? CNN

[siu-kái] 5 goe̍h 31

• Ìn-nî Java-tó tong-tē 27 hō hoat-seng kui-bô͘ 6.3 ê tē-tāng, bo̍k-chêng siōng chió ū 5800 lâng sí-bông. BBC

[siu-kái] 4 goe̍h

• Bí-kok chiâⁿ-pah-bān lâng sī-ūi khòng-gī gī-lūn tiong ê sin î-bîn-hoat.^{[Bô chhut-chhù]}
• Italia ê tiong-kan/chó-phài liân-bêng (Romano Prodi chhōa-thâu) sió-iâⁿ iū-phài, m̄-koh Silvio Berlusconi m̄ sêng-jīn kiat-kó.^{[Bô chhut-chhù]}
• Au-chiu ê Kim-chheⁿ Khoài-chhia sūn-lī chìn-ji̍p se̍h Kim-chheⁿ ê kúi-tō.^{[Bô chhut-chhù]}

[siu-kái] 3 goe̍h 10

• NASA sêng-kong kā Hoé-chheⁿ Cheng-chhat Kúi-tō-ki (MRO) an-chhah tòa se̍h Hóe-chheⁿ ê kúi-tō. (BBC)

[siu-kái] 1 goe̍h 27

• Hamas toā-iâⁿ Filastiniyya kok-hoē soán-kí, 132 se̍k tang-tiong the̍h tio̍h 76 se̍k. Kú-tn̂g í-lâi hoāⁿ-koân ê Fatah the̍h tio̍h 43 se̍k nā-niā (BBC BBC)

[siu-kái] 1 goe̍h 23

• Chó-phài chèng-tī jîn-bu̍t Evo Morales chiū-jīm, chiâⁿ-chò Bolivia thâu-1-ê goân-chū-bîn chóng-thóng. I tùi-gōa piáu-sī beh kiat-sok "500 nî lâi" ê "put-gī kap bô pêng-téng" (BBC)

[siu-kái] Kū ê sin-bûn

• 2007 nî: 1 goe̍h · 2 goe̍h · 3 goe̍h · 4 goe̍h · 5 goe̍h · 6 goe̍h · 7 goe̍h · 8 goe̍h · 9 goe̍h · 10 goe̍h · 11 goe̍h · 12 goe̍h
• 2006 nî: 1 goe̍h · 2 goe̍h · 3 goe̍h · 4 goe̍h · 5 goe̍h · 6 goe̍h · 7 goe̍h · 8 goe̍h · 9 goe̍h · 10 goe̍h · 11 goe̍h · 12 goe̍h
• 2005 nî: 1 goe̍h · 2 goe̍h · 3 goe̍h · 4 goe̍h · 5 goe̍h · 6 goe̍h · 7 goe̍h · 8 goe̍h · 9 goe̍h · 10 goe̍h · 11 goe̍h · 12 goe̍h
• 2004 nî: 1 goe̍h · 2 goe̍h · 3 goe̍h · 4 goe̍h · 5 goe̍h · 6 goe̍h · 7 goe̍h · 8 goe̍h · 9 goe̍h · 10 goe̍h · 11 goe̍h · 12 goe̍h

[siu-kái] Gōa-pō· liân-kiat

Wikimedia Commons ū koan-hē Sin-bûn sū-kiāⁿ ê to-mûi-thé tóng-àn.