Liông-hái
Wikipedia (chū-iû ê pek-kho-choân-su) beh kā lí kóng...
Liông-hái-chhī (龍海市), sī Hok-kiàn Chiang-chiu-chhī kóan-ha̍t ê 1-ê kōan-kip-chhī, cho̍at-tùi tē-lí ūi-tì tī pak-úi 24°11′～24°36′, Tang-keng 117°29′～118°14′ chi-kan ê liân-sòaⁿ hōan-ûi, tú-hó sī tiàm-tī Hok-kiàn-séng tang-lâm-pō· Kiú-liông-kang hā-iû ê pêⁿ-iûⁿ (Hôa-gí:平原). Liông-hái chôan-chhī thó·-tē bīn-chek chiong-kīn 1128 k㎡, chóng jîn-kháu liōng-kî-iok 80 bān, sī tiōng-iàu ê Tâi-ôan-lâng chó·-che̍k-tē. Thong-hêng Bân-lâm-gí.
Bo̍k-lo̍k |
[siu-kái] Hêng-chèng-khu
Liông-hái chhī-chèng-hú só·-chāi-tē tī Chio̍h-bé-tīn, chôan-chhī lóng-chóng kóan-ha̍t 2 ê keng-chè khai-hoat-khu, 1 ê lông-tiûⁿ, 13 ê hiuⁿ-tīn.
[siu-kái] Le̍k-sú
Liông-hái chit-ê só·-chāi khai-hoat ê le̍k-sú, chhiáⁿ chham-khó iú-koan ê Chiang-chiu tē-hng khai-hoat-sú.
Kong-gôan 1960 nî 8 go̍eh 15 hō·, Liông-khe-kōan kah Hái-têng-kōan chèng-sek ha̍p-pèng, hō·-miâ Liông-hái-kōan, kōan-tī (Hàn-jī:县治) siat tī Chio̍h-bé-tīn (石码镇).
1985 nî, Tiong-kok chèng-hú khak-tēng Liông-hái-kōan chiâⁿ-chò chôan-kok thâu-chi̍t-phoe iân-hái khai-hòng kōan.
1993 nî, keng-kòe Tiong-kok Kok-bū-īⁿ ê phoe-chún, Liông-hái thiat "kōan" kái-chò "chhī".
[siu-kái] Kau-thong
Hiān-chú-sî, Liông-hái-chhī ê kau-thong pí éng-kòe kái-piàn chiâⁿ chē, kong-lō·, thih-lō·, chúi-lō·, 3 lō· chiau-chôan. Ū 3-tiâu ko-sok kong-lō· keng-kòe Liông-hái.
[siu-kái] Thó·-te̍k-sán
Liông-hái chit-ê só·-chāi, bu̍t-sán chu-gôan hong-hù, hō· lâng o-ló chò "hî, bí, hoa, kó chi-hiong". Chit-tah khì-hāu un-hô, thó·-tē hûi-ok, chhut-sán ê nāi-chi, kam-á, lêng-géng, chhiū-m̂ kài chhut-miâ; peh-seⁿ chèng-hoe, chai-hoe mā chin sî-kiâⁿ, iu-kî chúi-sian-hoe siāng-kài ū miâ-siaⁿ.
[siu-kái] Jîn-bu̍t
- Tân Tiong-hô——Tiong-kok Lú-chú Pâi-kiû-tūi chú-kàu-liān
- 科拉松·阿基诺夫人——Hui-lu̍t-pin chêng chóng-thóng
- Gân Su-chê (颜思齐)——khai-Tâi tē-it-jîn
