N̂g-bôe-hì
Wikipedia (chū-iû ê pek-kho-choân-su) beh kā lí kóng...
N̂g-bôe-hì (N̂g-mûi-hì / 黄梅戏), Tiong-kok 6 tōa hì-khek chit-it, pún-jiân chí-sī An-hui-séng An-khèng chit-ê só·-chāi ê tōe-hng hì-khiok. 1949 nî liáu-āu, soah hiông-hiông chhéng--khí-lâi, chiâⁿ-chòe chôan Tiong-kok kài ū miâ-siaⁿ ê khiok-chéng. N̂g-bôe-hì ê gē-su̍t bī-le̍k si̍t-chāi ta̍t-tek chheng-chán，taⁿ í-keng sī chi̍t-sì-kòe thong-lâng-chai, ē-táng kóng hō·-chòe " miâ-siaⁿ tháng pak-kiaⁿ " lah.
Bo̍k-lo̍k |
[siu-kái] Le̍k-sú
N̂g-bôe-hì siōng chá ê gôan-thâu sī Ô·-pak-séng N̂g-mûi (黄梅), Kóng-chè (广济) tē-khu kah An-hui siok-siông (宿松) chit-tah ê bán-tê-tiāu (采茶调), āu--lâi koh khip-siu Óan-hô (皖河) hit-tah chin sî-kiâⁿ ê "tek-ki-á khiuⁿ" (竹枝腔) kah "chio̍h-pi khiuⁿ" ê khiok-tiāu hām bú-tō piáu-ián, kàu 19 sè-kí tiong-tn̂g ê sî-chūn, iu-koh siū-tio̍h "Chheng-iông-khiuⁿ" (青阳腔) kah "Hui-tiāu" (徽调) ê éng-hiáng, chiah chèng-sek hoat-tián chòe chiàⁿ-káng ê hì-khek.
[siu-kái] Lūi-pia̍t
- Hoa-khiuⁿ (花腔), it-poaⁿ sī poaⁿ sió hì ê sî khah chia̍p teh chhiúⁿ, te̍k-tiàm sī chiap-kūn seng-o̍ah hiān-si̍t, kài hiong-thó·, jî-chhiáⁿ kài sêng bîn-iâu ê khúi-kháu.
- Pêng-sû (平词), tōa-hì chú-iàu ê chhiùⁿ-khiuⁿ, tiāⁿ-tiāⁿ chhái-iōng káng-su̍t (Hàn-jī:讲述) khah tn̂g ê kó·-sū chêng-chiat a̍h-sī piáu-hiān su-hoat kám-chêng ê hong-keh, hō· lâng thiaⁿ tio̍h chiâⁿ sóng-sîn, chiâⁿ chhù-bī, ū-iáⁿ ná thiaⁿ ná ài kah-ì.
[siu-kái] Iu-siù ê hì-bûn
N̂g-bôe-hì thôan-thóng ê hì-bûn chiâⁿ chōe, kài sî-kiâⁿ ê ū:
- Thian-sian-phòe (天仙配)
- Gû-nn̂g chek-lú (牛郎织女)
- Khôai-im-kì (槐荫记)
- Cha-bó hū-má (女驸马)
- Hu-chhe koan-teng (夫妻观灯)
- Táⁿ-ti-chháu (打猪草)
- Liú-chhiūⁿ-chíⁿ (柳树井)
- Nâ-kiô-hōe (蓝桥会)
- Lō·-gū (路遇)
- Liông-lú-chêng (龙女情)
- Thô-hoa-sìⁿ (桃花扇)
- Bēng-lē-kun (孟丽君)
- Thian-lú sàn-hoa (天女散花)
[siu-kái] Iu-siù ê ián-ôan
- Giân Hōng-eng (严凤英)
- Ông Siàu-hóng (王少舫)
- Chiu San (周珊)
- N̂g Sin-tek (黄新德)
- Tiuⁿ Hui (张辉)
- Má Lân (马兰)
- Hân Chài-hun (韩再芬)
- Koan Chùn-hoa (关俊华)
- Lâu Chhiu-pêng (刘秋平)
