Oē-chheⁿ
Wikipedia (chū-iû ê pek-kho-choân-su) beh kā lí kóng...
Oē-chheⁿ chun-chiàu it-tēng ê kúi-tō se̍h hêng-chheⁿ ūn-hêng.
It-poaⁿ lâi kóng, oē-chheⁿ ū nn̄g-chióng: thian-jiân oē-chheⁿ kap jîn-chō oē-chheⁿ.
[siu-kái] Thian-jiân oē-chheⁿ
Múi chi̍t-lia̍p hêng-chheⁿ ū kúi-lia̍p oē-chheⁿ, che bô kò·-tēng, phì-jû-kóng tē-kiû to̍h kan-ta ū chi̍t-lia̍p thian-jiân ê oē-chheⁿ--niâ, he to̍h-sī go̍eh-niû.
[siu-kái] Jîn-chō oē-chheⁿ
Jîn-chō oē-chheⁿ mā-sī í kò·-tēng ê kúi-tō ūn-hêng, it-poaⁿ lâi kóng sī se̍h-hêng tē-kiû, ū kok-chióng bô-kâng ê kong-lêng, iû hóe-chìⁿ chài-khì-kàu tē-kiû ê kúi-tō.
Jîn-chō oē-chheⁿ ē-sái kàm-sī, liap-iáⁿ, thong-sìn, í-ki̍p tō-hâng téng-téng, m̄-koán tī kun-sū, kho-ha̍k, siang-gia̍p ia̍h-sī bîn-seng hong-bīn, lóng ū chin chē ê iōng-tô·.
Í kúi-tō koân-tō· lâi ku-hun, jîn-chō oē-chheⁿ ê kúi-tō ē-sái hun chò 3 chióng:
- Tē-kiû kāng-pō· kúi-tō (Geosynchronous Orbit)
- Kek kúi-tō (Polar Orbit)
- Tn̂g-ko-îⁿ kúi-tō (Elliptical Orbit)
