上升星座
出自維基百科，自由嘅百科全書
上升星座(或上昇星座) 係西洋占星術裏面一個好重要嘅概念，佢係指當一個人出世嗰一刻，從佢出生嘅地點嚟睇，東面地平線嗰度嗰一刻升緊嘅黃道星座(都係12星座入面其中一個)。
目錄 |
[編輯] 對個人嘅影響
[編輯] 基本性格
上升星座同太陽星座一齊影響嗰個人嘅基本性格，例如一個人係太陽金牛座，但係上升雙子座，咁呢個人嘅性格會好受金牛同雙子座嘅共同影響 (但仲有好多其他因素)。不過對某啲人黎講，上升星座嘅影響可能會好表面，即係只係一個「面具」，呢樣野要睇番啲星體嘅位置。
有啲人話太陽星座、月亮星座同上升星座呢三樣嘢形成一個人成個性格嘅骨架，而其他如水星星座、金星星座等等就會影響埋個性格嘅某啲部份。
[編輯] 外表
上升星座會影響個人嘅外表，個樣有咩特點，甚至高矮肥瘦，同埋行為等，都受呢樣嘢影響。不過當然都要睇翻遺傳同埋後天嘅影響喇。
[編輯] 命途
上升星座係宮位裏面嘅第一宮，其他嗰11個宮係自動跟住佢郁，而每一個宮都影響住個人命運裏面嘅某啲際遇。
[編輯] 知道時間地點嘅重要性
太陽星座係大約每一個月轉一次，上升星座係大約兩個鐘轉一次，所以要知道自己嘅上升星座，就一定要知道準確嘅出生時間，同時要知道地點，例如邊個城市。
如果有呢啲資料，就可以去某啲網頁整張命盤出嚟就好容易知道自己係咩上升星座 (同埋其他星座)。
[編輯] 睇埋
- 星座
- 占星術
- 太陽星座
- 月亮星座
- 水星星座
- 火星星座
- 金星星座
- 木星星座
- 土星星座
- 宮位
- 相位
