雙子座
出自維基百科，自由嘅百科全書
雙子座(Gemini)位於黃道12星座嘅第3個位置，形象係孖生兄弟。占星學上屬此星座嘅人係喺(5月22日-6月21日)出世。而呢段時間出世嘅人有雙重性格，多才多藝嘅意思。雙子座有兩粒非常之光嘅星，喺希臘神話入便呢兩粒星係一對孖生兄弟。當中較暗嘅嗰粒叫α星（北河二），佢喺望遠鏡入便睇係一組雙星（查實佢係一組六合星）。第啲星都比較暗。維有γ星可以喺城市燈光下睇倒。 1930年冥王星就係喺雙子座嘅δ星附近發現嘅。
[編輯] 深空天體
雙子座入便最光嘅嗰嚿深空天體係疏散星團M35，喺雙子座η星嘅側邊, 隔地球大概有2800光年咁遠，光度5級。
[編輯] 箇中古仔
星座符號：
喺希臘神話入便，嗰對孖生兄弟分別叫卡斯特(Castor)[又名北河三]同波樂克斯(Pollux)[又名北河二]，兩兄弟都係由斯巴達皇后麗達(Leda)生嘅蛋孵出，哥哥卡斯特嘅老豆係斯巴達國王延達瑞斯(Tyndareus)，細佬波樂克斯嘅父親係天神宙斯，波樂克斯因此亦有不死之身。兩兄弟自細的一齊大，感情好好。卡斯特擅長戰術，波樂克斯精於格鬥。佢哋都鍾意冒險，其中最出名嘅係阿哥號(Argo)遠征嘅故事。兩兄弟喺嗰次遠征中係重要嘅角色。聽講話有一次海面起咗暴風雨，奧菲斯即刻企喺船側彈豎琴，向眾神祈禱。兩兄弟頭頂都出現咗一粒大星，畀咗兩人力量嚟到頂過暴風雨。佢哋後嚟就畀人奉為航海嘅守護神。
後尾，兩兄弟亦有參與第啲冒險，冇諗到畀老友出賣，卡斯特死咗，留低有不死之身嘅波樂克斯。波樂克斯向宙斯請求同卡斯特同生共死。於是乎兩兄弟有半年喺天上，半年喺人間生活。呢個古仔可能係受雙子座從冬季到春季都出現喺日落嗰時嘅天空，其餘半年唔見蹤影而啟發。
[編輯] 睇下
- 星座
- 希臘神話
| 牡羊座 | 金牛座 | 雙子座 | 巨蟹座 | 獅子座 | 室女座 | 天秤座 | 天蠍座 | 人馬座 | 摩羯座 | 寶瓶座 | 雙魚座 | |
 |
 |
 |
 |
 |
 |
 |
 |
 |
 |
 |
 |
|
| 托勒密48星座 |
|---|
| 仙女座 • 寶瓶座 • 天鷹座 • 天壇座 • 南船座 • 牡羊座 • 御夫座 • 牧夫座 • 巨蟹座 • 大犬座 • 小犬座 • 摩羯座 • 仙后座 • 半人馬座 • 仙王座 • 鯨魚座 • 南冕座 • 北冕座 • 烏鴉座 • 巨爵座 • 天鵝座 • 海豚座 • 天龍座 • 小馬座 • 波江座 • 雙子座 • 武仙座 • 長蛇座 • 獅子座 • 天兔座 • 天秤座 • 天狼座 • 天琴座 • 蛇夫座 • 獵戶座 • 飛馬座 • 英仙座 • 雙魚座 • 南魚座 • 天箭座 • 人馬座 • 天蠍座 • 巨蛇座 • 金牛座 • 三角座 • 大熊座 • 小熊座 • 室女座 |
