摩羯座
出自維基百科，自由嘅百科全書
摩羯座，俗稱山羊座，位於黃道十二星座嘅第十位，形象係羊頭魚身怪物。占星學上屬摩羯座嘅人係喺12月26日至1月20日出世，屬「堅守原則」果類型。
佢嘅起源更可以追溯至到公元前7至6世紀，當時太陽位置就喺佢入面。喺北半球，太陽喺冬至時位於南方最低處，於冬至之後逐漸向北方爬升，有人將依種嘅太陽比喻為爬緊岩石嘅山羊。
[編輯] 故仔
星座符號：
或係 
古希臘人好識得將動物聯想一番。佢哋認為喺森林裏面住咗一群名叫沙駝(Satyrs)[即森林之神]嘅動物，有山羊嘅腳同角，而且滿面鬍鬚，其中之一係牧羊之神潘(Pan)，佢係一個好鍾意午睡，又好容易畀其他嘢嚇到嘅天神，聽講「恐慌」嘅英文panic，就係改至佢嘅名。
有一次，潘同下山來嘅寧芙仙子(nymph)席琳克絲(Syrinx)偶然相遇。席琳克絲係狩獵女神阿蒂蜜絲嘅隨從。席絲克絲非常靚女，潘對佢一見鍾情。但係潘個樣實在太醜，席絲克絲見到佢就嚇到掉頭走。
兩人你逃我追咁逼到河邊，席琳克絲因為走投無路所以向佢嘅父親河神求救。潘以為自己終於答住席琳克絲嘅膞頭，點知手上攞著嘅係河邊嘅蘆葦，寧芙仙子就乘機走人，潘失望之餘，將蘆葦束埋一齊造咗枝笛[又稱為「潘笛」(Pan's flute)，據講係管風琴嘅雛型]，成為潘隨身攜帶嘅樂器。
潘用潘笛吹奏優美嘅曲調時，眾神都會聚喺尼羅河邊聽。誰知一隻叫「泰風」(Typhon)突然出現，佢嘅恐怖叫聲嚇窒所有天神(包括潘在內)，潘喺失魂落魄之下，想變做魚遊走，但只把下半身變做魚尾，而上半身就維持不變。傳說宙斯覺得潘果陣嘅樣幾好笑，於是將佢果個滑稽形象搬咗上天，咁就成為咗摩羯座。
[編輯] 連結
- 星座
- 希臘神話
| 牡羊座 | 金牛座 | 雙子座 | 巨蟹座 | 獅子座 | 室女座 | 天秤座 | 天蠍座 | 人馬座 | 摩羯座 | 寶瓶座 | 雙魚座 | |
 |
 |
 |
 |
 |
 |
 |
 |
 |
 |
 |
 |
|
| 托勒密48星座 |
|---|
| 仙女座 • 寶瓶座 • 天鷹座 • 天壇座 • 南船座 • 牡羊座 • 御夫座 • 牧夫座 • 巨蟹座 • 大犬座 • 小犬座 • 摩羯座 • 仙后座 • 半人馬座 • 仙王座 • 鯨魚座 • 南冕座 • 北冕座 • 烏鴉座 • 巨爵座 • 天鵝座 • 海豚座 • 天龍座 • 小馬座 • 波江座 • 雙子座 • 武仙座 • 長蛇座 • 獅子座 • 天兔座 • 天秤座 • 天狼座 • 天琴座 • 蛇夫座 • 獵戶座 • 飛馬座 • 英仙座 • 雙魚座 • 南魚座 • 天箭座 • 人馬座 • 天蠍座 • 巨蛇座 • 金牛座 • 三角座 • 大熊座 • 小熊座 • 室女座 |
