新山
出自維基百科，自由嘅百科全書
新山係馬來西亞第二最大嘅城市同埋柔佛州嘅首都。佢係亞洲大陸最南嘅城市（1°29′00″N）。新山同新加坡只隔住條柔佛海峽；最窄嗰道只有大概一公里闊，就喺呢度新柔長提同新加坡嘅兀蘭新鎮（Woodlands New Town）連埋。新山馬來文同埋英文寫做Johor Bahru，馬來爪夷文寫做جوهر بهارو。佢嘅英文縮寫JB亦都成日有人用。
目錄 |
[編輯] 地理
新山喺北緯1度29分，東經103度44分，海拔36.88米 (121英呎) 左右。1994年之後，新山做咗新山縣嘅總部。新山歸城市理事會 (Majlis Bandaraya Johor Bahru) 管，而佢周圍嘅地方就畀新山市政理事會 (Majlis Perbandaran Johor Bahru Tengah) 管。流經新山有不佬河 (Sungei Tebrau)、士古代河 (Sungei Skudai)、丹牙河 (Sungei Danga)、士吉河 (Sungei Segget) 同埋馬來有河 (Sungei Melayu)。
[編輯] 歷史
1855年，德文公大影．怡巴鹽 (Temenggong Daeng Ibrahim) 建立咗新山。新山原名丹宗．布特里 (Tanjung Puteri)。1866年，蘇丹阿布．八卡 (Sultan Abu Bakar) 將柔佛州首府, 新加坡嘅德陸不蘭牙 (Telok Blangah) 搬來, 並改其名做新山。1924年，新柔長堤落成。19世紀早期, 有唐人嚟新山開發，其中來自台山嘅黃亞福，1887年到1895年之間喺度起咗好多公共設施，其中有好靚嘅蘇丹王宮。蘇丹注意到佢嘅貢獻， 叫佢留喺新山做生意。另外來自潮州嘅陳旭年（又名陳毓宜〕喺1863年, 作為新山嘅税收管理人, 設定貿易公司，喺新山種黑兒茶同埋造黑胡椒粉。黑兒茶嘅生意慢慢發達，陳旭年同埋其他來自嘅潮州商人組成咗企業網絡“港主系統”(Kangchu system)。
1942年1月31日，征服馬來亞嘅日本軍嚟到新山，佔領新山嘅領土。個晚，英軍趁機會炸毀同新加坡連接個長提，希望咁樣做就會阻慢日本軍攻擊新加坡。佢哋喺仲未攻擊新加坡嘅時候，率領日本軍嘅將軍山下奉文同均鬚丹怡巴鹽 (Sultan Ibrahim) 保證兩方嘅友好之後，就借用佢嘅喺王宮嘅高達五樓嘅觀察塔計劃攻擊新加坡。2月7日嘅夜晚間，軍部搭制造出來嘅三板船嚟新加坡。同時，軍部又修補長提，運輸根要嘅材料同埋武器。
1945年日本投降之後，敦．胡鮮．安 (Tun Hussein Onn) 帶領嘅馬來人嘅政黨巫統(UMNO) 喺蘇丹新山王宮成立。1994年，聯邦政府確認新山做城市，達督.夏鹽.亞亞 (Dato Hashim Yahya) 做為新山第一任市長。2003年，政府拆走咗1970年代起嘅林巴古德組屋 (Lumba Kuda flats) 來起海關大廈。
2006年7月30日，馬來西亞政府公布南柔佛經濟區域 (Pembangunan Wilayah Ekonomi Selatan Johor) 呢個計劃，發展南柔佛。馬來西亞政府就分配9億萬零吉，個計劃係大馬第九大發展計劃，同時政府又撥4.3億萬零吉嚟發展新山同埋其他南柔佛嘅地方。呢個工程嘅主要目標係喺南柔佛發展馬來西亞嘅經濟，政府希望經濟區域喺早期嘅階段，吸引多啲商業機構嚟呢度投資佢哋嘅生意。政府喺2006年4月11日正式同經濟區域命名，新名叫做伊斯干達發展直轄區 (Wilayah Pembangunan Iskandar)。[1][2]
[編輯] 經濟
新山嘅主要大量産業地區係喺巴沙古當 (Pasir Gudang) 同埋丹絨浪塞(Tanjung Langsat)，小同中量産業地區喺係啖杯 (Tampoi)。新山有三個主要海港：巴沙古當 (Pasir Gudang)， 丹絨不嚟爸 (Tanjung Pelepas) 同埋柔佛港口 (Johor Port)。新山每年收到16萬嚟自新加坡嘅旅客，佔新經濟新山60％。
[編輯] 人口
照2006年嘅估計，新山有城市人口500,000，密度係 2,703人/平方公里 (全地 6 919/sq mi)。城市人口中，馬來人佔45%，唐人佔41.5%，印度裔佔 4.2%。[3]新山唐人嘅祖籍大部分係潮州同埋客家，又有啲人喺近幾年由馬來西亞其他地方搬嚟新山住，呢的人多數係客家人同埋福建人。
以前潮州人佔新山嘅人口多，所以潮州話就成為新山唐人嘅主要語言，所以又叫做“小潮州”或“小汕頭”。新加坡喺1965年獨立之後，商店就慢慢變做新山唐人嘅官方語言，本來喺沙玉河 (Sungei Segget) 畔同埋直律街 (Jalan Trus) 嘅巴剎就喺1970年代搬到拉慶 (Larkin) 同埋大馬 (Taman Sri Tebrau) 嗰道，直律街嘅唐人商業就有地搬走，印度嘅商業就喺90年代一個一個搬入直律街。如今，新山嘅主要巴剎喺拉慶同大馬嗰道多數地係有客家籍，潮州籍又有壹地福建籍嘅唐人營業。
新山嘅廣府人係喺黃亞福嘅領導下嚟到新山住。喺19世紀，新山嘅唐人大多數哋係住喺沙玉河嘅河畔，有潮州人住喺壹邊，廣府人住喺另外壹邊。由馬來西亞獨立之後，廣府人佔嘅人數就少哋咗。新山嘅瓊籍(海南人)人數係喺柔佛州最大嘅。
[編輯] 交通
新山城市呢道有幾道主要嘅高速公路，包括同城市連接兩方嘅巴沙古當高速公路 (Pasir Gudang Highway) 同連接馬來半島嘅北南快速公路 (Lebuhraya Utara Selatan) 嘅地不佬高速公路 (Tebrau Highway) 同埋敦阿度來塞高速公路 (Jalan Tun Abdul Razak)。喺巴沙古當高速公路嘅西部，佢又喺振林山 (Gelang Patah) 誥道同馬來西亞第二通道同新加坡嘅大士産業地區連接喺一起。同時，坐落喺城市嘅新柔長堤同新加坡嘅兀蘭新鎮接喺一起。新山城市內又有連接城市嘅一個圓環之路。
新山嘅有兩個巴士轉彎站就係喺哥打拉雅2 (Kotaraya 2) 同埋拉慶 (Larkin) 嗰道。呢兩個巴士轉彎站有新山同新加坡嘅循環運行巴士；有新加坡 SBS 嘅 170 號，馬來西亞嘅 CW1 同埋 CW2 號由新山同埋新加坡嘅梧槽 (Rochor) 定係克蘭芝 (Kranji) 徘徊嘅巴士服務號碼。
[編輯] 旅游地處
[編輯] 鬚丹阿布．八卡王宫
鬚丹阿布．八卡王宫，又叫大王宮 (Istana Besar)，係喺鬚丹阿布．八卡嘅指揮下叫港主黄亞福喺19世紀嘅時候建築嘅。王宮入邊又有一個博物館同埋回教堂，位於喺敦伊士邁醫生街 (Jalan Tun Dr. Ismail)。成個王宫嘅地區就構成咗呢個地方，叫做巴沙不浪宜 (Pasir Pelangi)。巴沙不浪宜呢個地方就係成個州嘅主要王位。[4]
[編輯] 柔佛古廟
柔佛古廟係喺19世纪起嘅，喺1870年喺港主陳旭年嘅帶領下命名嘅。古廟供奉五尊神明，包括潮幫嘅主神元天上帝外，左邊係福幫洪仙大帝，右邊係客幫感天大帝，主神兩邊有武將華光大帝同埋趙大元師，分别由廣肇幫同埋瓊帮供奉。柔佛古廟喺1995年到1996年參入大方裝修。柔佛古廟位於喺直律街 (Jalan Trus)。
[編輯] 廣肇會館
港主黄亞福喺1878年成立新山嘅廣肇會館。廣肇會館喺關時係嚟自廣東省嘅唐人嘅集合地方，位於喺依加嘅明里南街 (Jalan Meldrum) 嘅兩間雜貨店。馬來西亞獨立之後，會館嘅成員慢慢下跌，廣肇會館嘅空間就縮細咗一半。
[編輯] 購物廣場
新山嘅主要購物中心有新山城中坊 (Johor Bahru City Square)，假日廣場 (Holiday Plaza)，家樂佛超霸市场 (Carrefour Hypermarket)，位處喺柔佛再也花園同埋彩虹花園嘅大人超霸市場 (Giant Hypermarket)，聯和廣場 (Lien Hoe Complex)，敦．阿度惹沙街廣場 (Kompleks Tun Abdul Razak)，彩虹廣場 (Plaza Pelangi) 同埋紅扇那廣場 (Plaza Angsana)。新山又有两間吉之島 (JUSCO) 嘅購物廣場：一就係 AEON地不佬廣場 (AEON Tebrau City)，二就係順利花園嘅再也吉之島 (Jaya Jusco)。
[編輯] 巴沙彩虹
巴沙彩虹 (Pasir Pelangi) 係柔佛州嘅皇家村，係喺1900年代喺鬚丹阿布．八卡嘅指揮下起嘅，包括壹個王宮同埋馬球俱樂部。[5][6] 今日，巴沙彩虹喺王太子嘅住所，又是 Best 104FM 錄音電臺嘅總部。其近巴沙彩虹係喺東岸嘅蘇闌錄 (Stulang Laut)，喺呢道有壹個免稅區域。[7]
[編輯] 電臺
新山嘅錄音電臺包括馬來西亞第一個私人機構嘅錄音電臺，Best 104FM。其他兩個錄音電臺政府機構嘅，Johor FM 同埋 FMJB。FMJB 錄音電臺只有住喺城市周圍嘅人收到。
[編輯] 住宅區
新山有幾個界域，喺馬來西亞通常地係叫做 Mukim。呢地哋界域係由佢地個個自己唔同嘅郵區，再分成幾個住宅區，喺馬來話叫做Taman)，中文通常叫做花園。一個界域地係有最少有五個住宅區。其中喺城市理事會 (MBJB) 地區嘅住宅區就列出喺呢到：
- 世紀花園 (Taman Abad)
- 美樂花園 (Taman Melodies)
- 古文茶花園 (Taman Kebun Teh)
- 哪督翁惹化花園 (Taman Dato Onn Jaafar)
- 美芝里花園 (Taman Majidee)
- 彩虹花園 (Taman Pelangi)
- 順利花園 (Taman Maju Jaya)
- 士林花園 (Taman Serene)
- 伊斯干達花園 (Taman Iskandar)
- 聖淘沙花園 (Taman Sentosa)
- 大馬花園 (Taman Sri Tebrau)
- 大馬花園 (Taman Sri Tebrau)
- 蘇莉雅花園 (Taman Suria)
- 百萬鎮 (Taman Permas Jaya)
- 胡姬花園 (Taman Anggerik)
- 美雅花園 (Taman Mewah)
- 斯里班蘭花園 (Taman Sri Pandan)
- 南光園 (Taman Istimewa)
- 百合花园 (Taman Molek)
- 紅寶石花園 (Taman Delima)
- 福林園 (Taman Daya)
- 凸務山花園 (Taman Mount Austin)
- 柔佛再也花園 (Taman Johor Jaya)
[編輯] 酒店
新山有幾個著名嘅酒店：
- 凱悦酒店 (Grand Hyatt Hotel)
- 舒适酒店 (Hotel Selesa)
- 紐約酒店 (New York Hotel)
- 大洲酒店 (Hotel Grand Continental)
- 藍浪酒店 (Hotel Bluewave)
- 康派克酒店 (Compact Hotel)
- 珍珠酒店 (Hotel Mutiara)
- 晶冠酒店 (Crystal Crown Hotel)
- 美聯塔酒店 (Merlin Tower Hotel)
- 熱帶酒店 (Tropical Inn)
- 泛太平洋公主酒店 (The Puteri Pan Pacific Johor Bahru)
- 伊甸園酒店 (Eden Garden Hotel)
- 海景酒店 (Hotel Straits View)
[編輯] 醫院
- 新山中央醫院 (Johor Bahru General Hospital)
- 公主專科醫院 (又叫慈恩醫院，Puteri Specialist Hospital)
- 鬚丹依斯邁醫院 (Sultan Ismail Hospital)
- 柔佛專科醫院 (Johor Specialist Hospital)
- 甘巴醫院 (Kempas Medical Centre)
- 百美醫院 (Kawasan Hospital Permai)
- 新山專科醫院 (Medical Specialist Centre)
[編輯] 參考文獻
- ↑ 馬來西亞開布南柔佛經濟區域
- ↑ Jangan Sisih Projek Sedia Ada Di Johor Baharu, Kata Pemuda Umno
- ↑ 新山城市嘅資訊
- ↑ 鬚丹阿布．八卡博物館
- ↑ Yahoo! 巴沙彩虹
- ↑ 啱壹個王帝
- ↑ 蘇闌錄海岸
[編輯] 相關書目
- 王亞福: 移民者，建築師同埋商業師P. Lim Pui Huen, Times Edition
- 新山道路指南 (1993年出版，Liang Enterprise，by Beng San Chua)
- 南方學院學術叢書第三種 － 潮人拓殖柔佛原始資料纂編華人族群與文化研究中心 (2003年4月出版，南方學院，Kolej Selatan，Skudai，鄭良樹編，由康德有限公司承印)
[編輯] 連出去
