架勢堂
出自維基百科，自由嘅百科全書
架勢堂(英文名叫: So Fab)嘅主持人係森美同阮小儀。逢星期一至星期五夜晚十點到深夜十二點喺商業電台叱吒903度播。
架勢堂嘅節目晚晚唔同，分別係星期一嘅乜都講，星期二嘅星級大對決，星期三嘅耳王十四一心，星期四嘅拆祠堂，而到咗星期五就個個星期唔同節目，會有咁好命、Yes or No 2、城市傳聞、仲有少年廚神。
2006年5月29號，因為無線電視要播森美、阮小儀嘅《15/16》，為咗唔想自己打自己出現爭聽眾o既情況，叱吒903將原來深夜十二至二嘅《她他她打到嚟》調到夜晚十至十二嘅時段播，而將架勢堂壓後返去深夜十二至二播。
2006年6月7號，因為商台投票風波關係，由6月12號起，主持人森美同阮小儀停薪留職兩個月，而架勢堂亦都停播咗足足兩個月，8月14號森小回歸，架勢堂改返夜晚十至十二嘅時段播返﹔其間哩個時段由《大鐵人１２３》、《給我電話》頂替。
目錄 |
[編輯] 環節
[編輯] 星期一至五
[編輯] 乜都講
逢星期一播嘅環節，個個禮拜話題都唔一樣，同個名一樣真係乜都講得一餐，多數都係同嗰期生活上有關嘅嘢，例如情人節前嗰個星期一就叫人打電話上去投票一啲同情人有關嘅嘢(送乜禮物、同邊個女仔一齊等……)
[編輯] 星級大對決
逢星期二播嘅環節，每個禮拜都搵唔同嘅星級嘉賓上節目同兩位星級主持(森美、小儀)玩遊戲，遊戲包括「bom bom bom bom bom」、「It's a 【反】」、「我係傻瓜幾多號」等……
[編輯] 耳王十四一心
逢星期三播嘅環節，由兩個主持人輪流開題，等聽眾打電話上去用聲效嚟扮返嗰樣嘢出嚟，兩個主持鬥快估出個題目，慢嗰個就要喺《I Love SK》度輸fans比對方，當然過唔過檔就由個fans自己決定。
[編輯] 拆祠堂
逢星期四播嘅環節，玩法係由聽眾打電話上去出問題問兩位主持，兩個主持都有一次作答嘅機會，兩個都錯晒之後為咗挽留面子，會問返聽眾一題問題，聽眾如果答啱咗就可以得到，同森美、小儀去睇戲嘅機會。
(ps: 聽咗成幾個月都未聽到佢地幾時去睇…@@ by 亞士 2007年2月25日 (日) 14:51 (UTC))
