森美
出自維基百科，自由嘅百科全書
森美（1973年12月3日—），原名梁志健，結咗婚，有一個仔一個女，係香港商業電台DJ，主持嘅電台節目受到年青人歡迎。
森美喺葵涌葵盛邨長大，就讀過聖士提反書院(赤柱)、喇沙書院同埋香港中文大學；1994年參加商業電台「叱吒殺6新大陸」（DJ選舉比賽）而入行，主持週日節目《恐怖份子》，若干年後同阮小儀主持另一個節目《森美變態樂園》，之後二人一直都合作主持節目，好似《森美小儀 dot dot dot》、《森美托小儀所》、《森美小儀山寨王》、《架勢堂》等，其中一節目名為《笑談廣東話》更大受歡迎。2003年開始獨立擔當節目主持，有《森美移動》。佢係2001年商業電台「18-24歲最受歡迎DJ」。現時主持嘅節目有《架勢堂》（同阮小儀共同主持）同埋《森美移動》（同詹志民、細蘇及陳強共同主持）。
森美亦曾經喺有線電視同吳君如主持《先睇星期四》、《再睇星期五》節目，2005年12月播映最後一集。2006年擔任國際華裔小姐競選司儀，並喺2006年3月至9月期間同電台拍檔阮小儀主持無綫電視綜藝節目《15/16》。
森美同時亦都係金牌娛樂旗下藝員，主演電影包括《甜絲絲》、《我要做Model》和《雀聖2—自摸天后》，早年更加擔當《4x100 水著份子》男主角。
