水牛
出自維基百科，自由嘅百科全書
 |
||||||||||||||||
|---|---|---|---|---|---|---|---|---|---|---|---|---|---|---|---|---|
 水牛
|
||||||||||||||||
| 物種分類 | ||||||||||||||||
|
||||||||||||||||
|
|
||||||||||||||||
| '水牛 Bubalus bubalus''' (Kerr, 1792年) |
水牛係一種大型既偶蹄動物，養水牛喺亞洲同美洲都非常普遍。喺亞洲，水牛主要用嚟做勞動工作；喺歐洲嘅意大利、羅馬尼亞同保加利亞，水牛畀人當係奶牛或者養來畀人食。今時今日喺印度、尼泊爾、不丹同泰國仲有野生水牛，澳洲北部都有野生水牛。喺東南亞既野生水牛來歷就唔係好清楚，佢地可能係由野化咗嘅家水牛嘅後代，亦可能係本地原來就有嘅野生水牛後代，或者係兩者嘅交配產物。而家下野生水牛已經相當少見。
水牛奶較牛奶嘅含脂量高，因此比較容易保存。意大利著名嘅Mozzarella乾酪同埋流行喺珠江三角洲嘅雙皮奶就係用水牛奶製成嘅。
[編輯] 分類
水牛嘅分類家下重有爭議，Mac Greger響1941年認為水牛只有一種，下分兩個亞種：B. bubalus arnee（河水牛）和B. bubalus carabanesis（沼澤水牛）。其他專家將兩者分為獨立種。
[編輯] 食性同生態地位
同犀牛﹑水鹿一樣，水牛對濕地有正面作用：佢哋食草嘅行為可以控制植物嘅過份生長；佢地行路時所留低嘅糞便，同造成嘅大小水氹，畀咗昆蟲，蛙同雀仔提供食物同埋棲身之所，水牛亦都係老虎同鱷魚嘅主要獵物。
[編輯] 保育現狀
喺香港，現時有兩個大型嘅水牛群：新界錦田同大嶼山貝澳，佢地都係以因為農民唔再耕田畀人遺棄。由於佢哋對濕地有一定嘅幫助，所以保育團體都認為有保護嘅必要。但佢地喺香港並唔受到保護，亦未有更具體嘅研究。
米埔喺2006年7月，藉著世界自然基金會成功申請環境保育基金的撥款資助開始引入一頭雌性水牛，藉著水牛每日食草同埋喺泥沼中散步，透過「踩爛」雜草、減少植物數目同埋增加沼澤地，改善候鳥既生活環境。
