講波佬

出自維基百科，自由嘅百科全書

講波佬，係球賽評述員嘅俗語叫法。佢負責將一場球賽嘅過程，盡可能完整咁向收聽收睇緊嘅聽眾／觀眾介紹及分析，包括嗰場賽事所參與球隊嘅背景，球隊出場嘅陣容，戰術嘅運用，球賽嘅進行……等。可以講，要成為一個講波佬，必然要全面認識嗰種球類運動，故屬於專業人士嘅範疇。

[編輯] 講波佬數一數

講波佬雖則用咗個「佬」字，但其實唔一定係指男性，一樣有女性做評述員，講波佬只係一個俗語嘅統稱而已。

每種唔同嘅球類運動都會有專長嘅評述員，好似足球、籃球、排球、乒乓球、羽毛球，甚至保齡球、桌球哩啲比較少體力發揮嘅運動如是。

不過講波界有一個共通點，就係好多當中嘅球評人其實曾幾何時亦係嗰種運動嘅職業球員，有啲可能已經退役全身投入做球評人，有啲則係現役嘅職業球員，只不過係以客串形式咁去為某啲球賽作專業評述。

以下會簡單咁介紹一啲球類運動嘅講波人物。

[編輯] 足球

要數足球界嘅講波佬，相信好多人隨便都可以點出三兩個出嚟。而喺香港工作或者操粵語嘅足球講波佬有好多其實都幾出名，佢哋除咗係因為成日會喺電視出鏡，或者喺收音機聽到佢哋把聲之外，亦都係因為喺評述分析上特別出色獨特，可能喺閱讀球賽嘅能力方面比較好，亦都可能因為佢哋嘅評述風格……等而為人所注意。

[編輯] 粵語講波佬

葉觀楫：綽號「大聲葉」，係六、七十年代嘅著名電台講波佬，現場講波時可以話係緊張大師，講起上嚟特別精采，而且創作咗好多生動嘅足球術語，所以而廣受聽迷歡迎。
林尚義：人稱「阿叔」，係香港講波界嘅老行尊，現已退休；曾經係香港足球聯賽隊伍及中華民國隊員，亦做過電影演員。因為佢嘅硬漢性格，造就佢講波時嘅風格都係比較鐘意大大聲，同埋用抑揚頓挫嘅重口音去評述，配合埋佢肉緊嘅表情，睇緊佢唔知情嘅人會以為佢發緊脾氣鬧緊人。
丘建威：人稱「丘仔」，讀書時候係聖約瑟足球校隊成員，後來成為香港職業足球員，打後衛、清道夫，退役後轉行成為講波佬一份子。
張志德：人稱「細鬼」，曾經係香港職業足球員，香港隊員，退役後轉行做講波佬。
何鑑江
何靜江
丁偉傑
何輝：紅褲子出身，八、九十年代香港足球員，試過代表港隊，青少年期試過代表香港乒乓球隊。當打果排唔踢波走咗去做量地官，家下喺廣東體育台做緊講波佬。因應佢自己踢波出身，經常喺講波時拆解場波嘅形勢，以及詳解場波各方面嘅細節，好似排陣、球員表現、領隊調動手法，甚至領隊表情，亦好鐘意搞Gag。雖然佢未正式喺香港人出錢搞嘅電視頻道講過波(ESPN係外國嘢)，不過極受網民同一般睇開佢嘅人愛戴。
黃興桂
江忠德
馬啟仁，英文名叫Keyman。因為講波中肯，擁躉唔少。
李德能
蔡育瑜
鍾志光
劉舜文
李榮基
鍾志光
馮嘉奇
劉健基
潘源良：香港著名填詞人，香港有線電視一開台已經參與足球評述，佢主要係評述西甲英超嘅賽事。
梁帥榮
林慶麟