BH
Us der alemannische Wikipedia, der freie Dialäkt-Enzyklopedy
D BH (vun BüschteHalter) isch ä Wäschstiick, wu d wiblich Bruscht stiitze un forme soll.
Inhaltsverzeichnis |
[ändere] Gschicht
Schu in d Antike un im Mittelalter hen d Fraue Binde us Line yber ihri Brüscht trage, um di schtütze z kinne.
D erscht richtig Büschtehaltar isch us m Giirtel un Taschentiecher gmacht worre. Der isch 1889 vun d Französin Herminie Cadolle patentiert worre. In Dütschlônd sin witri Patent fyr d Büschtenhalter ogmeldet worre. Hugo Schindler het siner „Bruschthalter“ 1891 ôgmeldet. Där het zwey ôn m Giirtel bfeschtigti Kappe, wu obe mit Bänder fescht gmacht worre sin. Christine Hardt us Dreschde het ôm 5. September 1895 ihr „Frauenleibchen als Brustträger“ zuem Patent ôgmeldet. S war us zômmegknipfti Taschetücher un Männerhosenträger, wu sogar schu vschtellbar warre. D Schwôb Wilhelm Meyer-Ilschen het 1904 sini „Bruststütze ohne Unterteil“ zuem Patent ôgmeldet. Weltwit hets ä Uzahl vun witre Patentierunge gäbe.
Um d Jôhrhundertwend het d BH vielerorts s unbequemi Korsett abglöst. D erschti BHs warre us Line, sit d 1920er Jôhr sin s au us Sid, Musselin odr Batischt härgschtellt wôrre.
Ugfähr glichzitig mitm Hugo Schindler isch in d Schtaate vu Mary Phelps-Jacobs ä Ersatz fyr d Mieder erfunde worre: Us zwey Taschetücher un ä paar Bändle ischs ä Wäschestick gmacht worre, wu d Brüscht bdeckt hen. 1914 het s d Erfindung patentiere gli un hets Patent oschliessend fyr rund 15.000 Dollar on d Warner Brothers Corset Company vschiert. Offiziell isch s d Erfinderin vum BH, aber wohl nuer wege ihrem guete Gschäftssinn. Mit m Beginn vun d induschtrielli Fertigung isch d Siegeszug vum Büschtehalter nimmi ufzhalte gsi.
Wu d BH s Mieder zvdränge begônne het, isch parallel däzue au d Hüfthalter un d Schtraps ufkumme.
Während d 1930er Jôhr isch d Mieder erneijt in Modi kumme. Ebefalls zue Beginn d 1930er isch in d USA erschtmôls diä no hit bekônnti Schtandardgröss (A-, B- un C-Körble) igefyhrt worre. Erscht 1947, mitm so gnônnte New Look, hetm d Büschtehalter engiltig d Rông abgloffe. S het den BHs mit verschtärkti Körble (mit Fischbin-, schpätar Metallbigel unterhalb vun d Schale), wattierti BHs, voschtärkti BHs, Push-ups, BHs mit un ohni Voschluss, Voschluss hinte odar vorni usw.
Ebenso wiä bie ôndri Klammotte het d BH ä Vielzahl vun Mode durchlôfe: buebehaft in d 1920er Jôhr, rund in d 1930er un schpitz in d 1950er Jôhr. Des s in d 1960er Jôhr mit d ufflômmendi Frauebwegung zue öffentlichi BH-Verbrennunge komme isch, isch abar ä Mär.
[ändere] BH-Grösse
D Grössi vun d wiblich Bruscht wird in d Regel in BH-Grösse ôgäbe. S gibt zwey Methode, diä Grössi zbestimme.
[ändere] US-Grösse
Zuärscht wird d Körperumfông untr d Bruscht gmesse. Ergibt sich ä Mass bies 84 cm, werde 7,5 cm däzuegrechnt, bi grösseri Masse werre 12,5 cm däzuegrechnet.
Zur Bschtimmung d Körblegröss misst ma jetzert d Bruschtumfông, ohni dôbi d Brüst izdrücke. Vun däm Mass wird d obe brechneti Unterbruschtumfông abzoge. S ergibt sich d Zahl fyr d erschti Schpalt in d Tabell unte.
Zur Unterschtitzung kôn nun nô d Überbruschtumfông gmesse werre. Däzu misst ma oberhalb vun d Bruscht unter d Arm durch. Nochm Abziehe vun d Unterbruschtwite ergibt sich d Zahl fyr d zweyti Schpalt vun d Tabell unte.
Nun kôn noch zwey Methode d Körblegröss bstimmt werre. Entwedr ma bnutzt mit d beidi obe bschtimmti Zahle -- Unterbruschtumfông plus Zueschlag un Bruschtumfông -- d folgendi Tabell:
| Bruscht minus Unterbruscht | Bruscht minus Überbruscht | Körble |
| 0 | AA | |
| 3 | 3 | A |
| 5 | 5 | B |
| 8 | 8 | C |
| 10 | 10 | D |
| 13 | 13 | E,DD |
| 15 | 15 | F,DDD |
| 18 | 18 | G,F,FF |
| 19 | GG | |
| 20 | G,H | |
| 23 | H,I | |
| 25 | H,I,J | |
| 28 | HH | |
| 29-33 | I | |
| 33-39 | J | |
| 39-41 | K,JJ |
[ändere] Alternativi Method
| ugfähri Differenz Unterbruscht-Bruschtumfông |
BH-Grössi |
| 12.5 | A |
| 15 | B |
| 17.5 | C |
| 20 | D |
| 22,5 | E/DD |
| 25 | F/EE/DDD |
| 27.5 | G/FF/EEE |
| 30 | H |
| 32.5 | HH |
| 35 | II/J |
| 37.5 | JJ |
Noch unte gibts den no ä AA-Grössi. Di bzichnet nit nochm obigä Syschtem eigentli ä B-Gröss, sundern ä Buesse, wu kleinr als ä A-Gröss isch. S trage vun nem BH eriibrigt sich dô abr.
S Finde vun d richtig Büschtenhaltergröss schtellt fyr vieli Fraue ä wahrer Albtraum dô. Tabelle können immr nuer Richtwert gebe -- d eigentlichi Usschlag sollt s guete Körpergfühl gebe.
Internationali Grössetabell:
| Region | Grösse | |||||||||
| US-Gröss | 30 | 32 | 34 | 36 | 38 | 40 | 42 | 44 | 46 | 48 |
| Französischi Gröss | 80 | 85 | 90 | 95 | 100 | 105 | 110 | 115 | 120 | 125 |
| Italienischi Gröss | 1 | 2 | 3 | 4 | 5 | 6 | 7 | 8 | 9 | 10 |
| Internationali Gröss | 65 | 70 | 75 | 80 | 85 | 90 | 95 | 100 | 105 | 110 |
| Australisch/NL Gröss | 8 | 10 | 12 | 14 | 16 | 18 | 20 | 22 | 24 | 26 |
[ändere] Rekordä
D gröscht Büschtehalter, vzichnet im Guiness Buch der Rekorde, isch vu Norma Stitz (Kinschtlernôme; entschtômmt usm umgôngsschprôchlich anglisch „Enormous Tits“, uf alemannisch „Riesigi Titte“) us d USA trage worre un het d Grössi 56WW. Des entschpricht 'ra Unterbruschtwite vu 56 Zoll = 142 cm un näm Bruschtumfông vun 203 cm.
[ändere] hängendi Brüscht
Mitm Alter hänge fônge d Brüscht ô runtrzhänge. D Herschteller hen d Idee in d Welt gsetzt, des d BH d jugendlichi Form vun d Brüscht erhalte hilft. Fyr diä Onôhm gibts abr kei Bewis. Im Gegentil wise Forschungsergebniss druf nô, des d Effekt duerch d Entlaschtung d Bindehout sogar vschtärkt wird.
Zitat (Mary Phelps-Jacobs zugschriebe): "Ôm End siegt do immar d Schwärkraft."
[ändere] spezielli BH-Arte
- D Bigel-BH isch d ältescht Form
- In neijra Zyt gibt s au bigelfreyi BHs.
- Wonderbra
- Buschtier
- Body
- Epithese-BH (Prothese-BH)
D meischti BHs gibt's mit Verschliss vorn odar Vpschluss hinte. Erhältli sin au Kombinatione us d Grundtype.
[ändere] Herschtellr
Bekônnti Markenherschtellar vin Miederwar un BHs sin u. a.: Argentovivo, Aubade, Charnos, Damaris, Escora, Felina, Freya, Gossard, Hanro, Huit, Janet Reger, La Perla, Lejaby, Le Mystère, Lise Charmel, Naturana, Nubra, Palmers, Passionata, Playtex, Rigby & Peller, Sarah Fisk, Sariana, Simone Pérèle, Spoylt, Swegmark, Triumph, Veradonna, Wacoal, Wolford und Wonderbra.
BHs mit ufwändige Schpitzevzierunge sin nit kochfescht un kinne nuer mit Hôndwäsch odr im Wollprogramm gwasche wärre.
[ändere] Luege au
[ändere] Ekschterni Syte
- zuem Thema BH (dütsch)
- Problematik Alterung des Brustbindegewebes (engl.)
