Möhlin (Fluss)
Us der alemannische Wikipedia, der freie Dialäkt-Enzyklopedy
 |
Der Artikel beschäftigt sich mitem Schwarzwaldflüssli Meehlin. Witeri Bedütigε vu dem Wort findener under Möhlin |
 |
Dialäkt: {{{3}}} |
D' Meehlin isch e chleine Näbefluss vum Rhy uffem Biit vum Landchreis Brisgau-Hochschwarzwald. Dr Nammε isch meglicherwiis vu keltischem Ursprung; e Oppidum isch ame Zuefluss vu dr Meehlin archäologisch belegt.
Ihr Quellbiit lit uf ca. 1000 m Höchi oberhalb vu Sankt Ulrich im Schwarzwald. De naturnoch Oberlauf fliesst dur d'Gmei Bollschwil am Fuess vum Schwarzwald im südliche Hexedal un erreicht bi Ehrechilche d'Rhyebeni. Scho uffem Biit vu dr Stadt Bad Chrozige, wo au dr meistens meh Wasser füehrend Neimage vum Minsterdal her in d'Meehlin mündet, isch dr Flusslauf starch kanalisiert. Bevor si bi Brisach in dr Rhi mündet, verbindet sich d'Meehlin mit ehemoligε Näbearme vum Rhy un het dert echer dr Charakter vume stehende Gwässεr.
Nit zueledscht ufgrund vu dr intensive Landwirtschaft in dr Rhynebeni fallt d'Meehlin uf ihrem Middellauf in heisse Summer druche. Umchehrt cha dr echer bschaulich Fluss bi starche Rägefälle oder pletzlichεr Schneeschmelzi gfährli aschwelle.
