Magène
Us der alemannische Wikipedia, der freie Dialäkt-Enzyklopedy
Magène ("no chlor" uf Normännisch) isch e Organisation i dr Normandi wo sich drum bmüht d'normännische Sproch z'bewahre un z'fördere.
Magène isch 1987 z'Coutances vum Marcel Dalarun un em Daniel Bourdeles gründet worre. Magène isch uf dr Halbinsel Cotentin aktiv un isch d'einzige verglychbari Organisation i dr ganze Normandi. D'Organisation isch vorallem ufem Berych vo dr Musik aktiv un produziirt normännischi Lieder uf Normännisch; im Gägesatz zu andri Gruppe un Produzente wo entweder uf Französisch oder aber cheltischi Musik produziire. Inzwüsche sin scho acht CDs uf Normännisch vo Magène produziirt worre.
Andri Aktivitete vo Magène sin chultureli Veraastaltige un dr Versuech d'Sproch au i dr Schuel z'fördere.
S'Ziil vo Magène ischs, s'Normännische vorm ussterbe z'rette un do durch e Stuck normännischi Chultur z'erhalte. Usserdem isch Magène dfür dass d'verschiedne Langues d'oïl als Regionalsproche annerchannt wärre. Allerdings gilt s'baldige Usterbe vum Normännische als praktisch unabwendbar un d'Aktivitete vo Magène hen e änder dokumentative Charakter.
