Nordwestschweiz

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Nordweschtschwiiz«

Stat. Daten Nordwestschweiz
Wirtschaftszentrum:	Basel
Flechi:	1'015 km²
Wohnbevölkerig:	552'430 (2002)
Usländerateil:	21,4% (2002)
Bevölkerigsdichti:	544 Einw./km²
Arbeitslosequote:	2,3% (2002)
Usländischi Gränzgänger:	rd. 50'000 (2000)

Dialäkt: Baseldytsch

D Nordweschtschwiiz (hochdütsch Nordwestschweiz) isch e interkantonale und Wirtschaftsruum im Nordweschte vo dr Schwiiz. Er umfasst d Grossregion Basel und isch zimli gnau identisch mit em glichnamige Tarifverbund.

[ändere] Geografi

D Nordweschtschwiiz bestoht us verschidene Kanteen oder Teili drvo, bildet aber geografisch gseh e Einheit. Die natyrlige Gränze zu de andere Grossregione vo dr Schwiiz wärde durch dr Gebirgszug Jura bildet.

Zer Nordweschtschwiiz zelle im ängere Sinn:

dr Kanton Basel-Stadt
der Kanton Basel-Landschaft
s Fricktal, also hauptsächlich d Bezirk Rhyfälde und Laufeburg vom Kanton Aargau
d Bezirk Dorneck und Thierstai vom Kanton Solothurn

Im witere Sinn umfasst dr Begriff Baselland und -stadt und s gsamte Gebiet vo de Kanteen Aargau und Solothurn, zem Bischpill bi dr Fachhochschuel Nordwestschschwiiz.

[ändere] Bevölkerig

In dr Nordweschtschwiiz läbe öppe 552'000 Mensche, dodrvo öppe 88% im stedtische Gebiet vo dr Agglomeration Basel (grosszügig usglegt). Mit eme Usländerateil vo 21.4% isch me zimli gnau im Schwizer Durchschnitt.

In dr Nordweschtschwiiz hetts folgendi Stedt (historischs Stadträcht und über 10'000 Ywohner):

d Grossstadt Basel
d Kantonshauptstadt Lieschtel
die Bezirkshauptstadt Rhyfälde

E historischs Stadrächt, aber weniger als 10'000 Ywohner hän Waldeburg, Laufe und Laufeburg.

Kei historischs Stadträcht, aber über 10'000 Ywohner hän folgendi Gmeinde in dr unmittelbare Agglomeration vo Basel: Rieche, Birsfälde, Muttenz, Prattele, Münchestai, Binnige, Allschwil, Rynach und Aesch.

[ändere] Wirtschaft

Nid nur geografisch, sondern au wirtschaftlig gseh isch d Nordweschtschwiiz e einheitligi Region. S Wirtschaftszentrum isch Basel. Us dr ganze Region pändle Daag für Daag über 54'000 Mensche nochBasel, drzue kemme no 30'000 Gränzgänger, gsamthaft schaffe in dr ganze Region sogar 50'000 Gränzgänger. Trotz dene vilne Gränzgänger hett d Region mit enere Arbetslosequote vo 2.3% en tiefere Wärt als dr Gsamtschnitt vor Schwiiz.