Oberwihl
Us der alemannische Wikipedia, der freie Dialäkt-Enzyklopedy
Oberwihl im Hotzewald het etwa 480 Iwohner un isch de südwestlichst Ortsdail vu Görwihl im dytsche Landkrais Waldshuet am Hochrhi uwit vu de schwizer Gränze.
Inhaltsverzeichnis |
[ändere] Geographi
[ändere] Koordinate
Die geographische Koordinate vum Ort (Chilchturm) sin 47° 37′ N, 08° 03′ O
[ändere] Topographi
Oberwihl lit uf etwa 700-750 m ü. NN am Ostang vu de Hoheeck, vu wo mer ä scheene Blick uf d'schwizer Alpe het.
[ändere] Ortsdail
S'Dörfli het dri Bezirk: D'Schmitti, s'Underdorf un s'Usserdorf.
[ändere] Gwässer
Dur Oberwihl fließt d'"Hochsaler Wühre", ä im Middelalder agleggte un vu de Murg gspiiste 19 km langer Chanal, dem si Wasser näbe de Mattebwässerig zahlriiche Gwerbebetriibe als Atribschraft dient het.
[ändere] Gschichte
Fund us de Staizitt len vermuete, dass do scho bal noch de Iiszitt Mensche gwohnt hän. Mit eme "Konrad von Obenwil" erschint de Namme vum Dorf urchundlich erstmols 1280. Näbe Fribure, wo do gwohnt hän, hän au d'Chlöster Säckinge un St. Blasie Besitzige in de Gmarkig gha.
Chilchlich isch de größt Dail vum Dorf bis 1827 noch Hochsal ipfarrt gsi; sit dem 1.1.1841 ghört ganz Oberwihl zu de Pfarrai Niiderwihl. Ufgrund vume Glübdi bi Plündrige dur französischi Soldate in de Gegend hän d'Bwohner anno 1796 ä Chapelle errichtet, an dere Stell 1910 die hütig Dorfchilche baut worre isch.
[ändere] Weblinks
http://www.goerwihl.de/files/orts6.html iber d'Gschichte vu Oberwihl
[ändere] Wappe und Sigel
S'Sigelbild zaigt in Gold dri grieni Danne uf grienem Schildfueß. Zue de Underschidig vu de umligende Gmaie, wo ä Danne im Schild fiehre, het Oberwihl uf Vorschlag vum Generallandesarchiv Charlsrueh sit 1907 s'Wappe mit dei Danne.
