Politische Gemeinde
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Politischi Gmeind« |
 |
Dialäkt: Züridütsch (See) |
Di Politisch Gmeind isch die wichtigschti Gmeindsform i dr Schwiiz. Sie wird i verschiedene Kantön als Iiwohnergmeind (Lischte lueg deet), im Kanton Glarus als Ortsgmeind bezeichnet.
Wenn vo dr Gmeind d Reed isch, dänn isch i dr Regel di Politisch Gmeind gmeint. Au die sich als Schtadt bezeichnende Ort händ als Gebietskörperschafte die Rechtsform. E Schtadt isch i dr Schwiiz also immer au e politischi Gmeind.
Die Politisch Gmeind verfüegt über so genannt allgemeini Kompetenz in kommunale Aaglegeheite. Sie ninnt alli kommunale Uufgabe wahr, wo dur übergordnets Recht nöd zum Würkigschreis vomene andere Gemeindstyp (z.B. Chilegmeinde, Schuelgmeinde) erchlärt werded.
Dem isch nö immer so gsii. No im früehe 19. Jahrhundert händ die us de alte Gmeinwese vo dr Vorrevolutionsziit hervor gangene Zivilgmeinde oder Ortsbürgergmeinde fascht alli Kompetenze inne ghaa. Hüt sind die uf alte Bürgerrechte beruehende Gmeindsforme im Uusschterbe begriffe.
Lueg au: Gmeinde vo dr Schwiiz.
Der Artikel basiert uf ´ra freie Ibersetzung vum Artikel „Politische Gemeinde“ us dr dytsche Wikipedia.
