Septembermorde
Us der alemannische Wikipedia, der freie Dialäkt-Enzyklopedy
D’ Septämbärmordä wärdä hüüfig o „erstä Schreckä“ gnennt. Mit däm Usdruck wird ä Volksufstand während dr französischä Revolution bschribe, wo vom 2. bis zum 6. Septämber 1792 duuret het.
Am 2. Septämbär 1792 isch in Paris ä Mäldig itroffä wordä, dass Preussischi Trupänä in Frankriich und Verdun, ä Statt ganz im Nordä vo Frankriich hei igno. D'Statt isch relativ schnäll gfallä, wahrschinlech hei die damaligä Offizierä eifach ds schnäll ufgä.
Usserdäm hets ono Grücht gä, dass im Pariser Gfängnis die Gfangänä ä Usbruch hei plant für dä Preussischä Trupänä z hälfä, und ds altä System, also d'Monarchi wieder richtig härtsstellä.
Äs het no witäri serägi Grücht gä, därum hei d'Ahängär vor Revolution, also einägi vom 3. Stand, d'Buurä und d'Bürger bschlossä d'Pariser Gfängnis mit dä agäblichä Verräter ds stürmä. Am 3. Septämbär hei si de irä Plan id Tat umgsetzt, und si i die parisischä Gfängnissä ibrochä. Därbi hei si innert 3 Tag über 1200 Gfangäni tötet, obwohl öppä 2/3 vo allnä Häftlingä keni politäschi Gfangäni gsi si sondern ganz normali Verbrächär, wo wägä Diebstahl oder Prostitution si verurteilt wordä, wie säch speter het usägstellt.
Dr 12 Köpfig Wohlfahrtsusschuss het de dürä Maximilien de Robespierre speter dr Jacques-René Hébert la verhaftä. Är isch einä vo dä radikalschtä Jakobiner gsi und het a dä Septembermordä ä grossi Rollä gspilt. Är isch, wie vili vo sinä verbündätä dür d'Guillotinä köpft wordä.
