Zelula eucariota

De Biquipedia

Iste articlo trata sobre d'as zelulas eucariotas, ta atros empregos d'a parola eucariota, se beiga Eucariota (desambigazión).

Eukaryotes

Clasificazión zentifica

Dominio:

Eukaryota

Reinos

Animalia - Animals

Fungi - Fongos

Plantae - Plantas

Protista

Zelulas eucariotas son ras zelulas que tienen ro suyo material heredable (informazión chenetica) aintre d'una doble membrana, ra embuelta nucleyar, que lis determina un nuclio zelular.

Es organismos que están composaus de zelulas eucariotas son clamatos eucariontes.

l'Alternatiba ent'ista organizazión zelular ye ra que tién ra clamada zelula procariota. En istas autras zelulas, ro material hereditario ye simplement disperso aintre d'o zitoplasma. Ra mayoría de zelulas procariotas tienen autras embueltas per fuera d'a suya membrana plasmatica, á mientres que entre es eucariontes només es fongos y ras plantas ne tienen.

[Editar] Organizazión

Fendo diferenzia con ras zelulas procariotas, las eucariotas tienen ro zitoplasma muito compartimentato, con organelos separatos ó belas begadas interconectaus, toz ers bien amugaus per membranas biolochicas que están d'a mesma natura esenzia que ra membrana plasmatica d'a zelula. Ro nuclio ye ro més notable y carauteristico d'es compartimentos que trestallan ro protoplasma.Ro protoplasma tién tres componenz esenzials que son ra membrana plasmatica, ro nuclio zelular y ro zitoplasma, estando iste zaguer ra sumada d'es organelos, estruturas y ro zitosol. Ras zelulas eucariotas son dotadas d'un zitoesqueleto complexo, mui estruturato y dinamico, feto de microtubulos y filamentos proteicos.

A més, muitos tipos d'eucariontes tienen parez zelulars, como es fongos o ras plantas, o bela autra suerte de cubierta per fuera d'a zelula.

[Editar] Fesiolochía

Cuasi totas ras zelulas eucariotas han mitocondrias, ras cuas d'aucorde con ra Teoría d'a Endosimbiosis, estarían ro zaguer producto d'una asoziazión simbiotica entre una bacteria antiga (o autro procariota), e d'istes organelos n'obtienen ra suya capazidat de fer metabolismos aerobicos (respirazión de l'oxigeno), muito més afaborezedors enerxeticament. Ye prou important ra pendenzia cheneralizada d'es eucariontes respeuto d'a respirazión aerobia que en ra gran mayoría d'as espezies autuals s'ha perdito á grans trazas ra capazidat de fer metabolismos alternatibos (anaerobiosis, fermentazions, etz.). Bi ha en cambeo, bels eucariotas que han modificato as suyas mitocondrias en combertir-las ent'autras estruturas como es hidrochenosomas.

Bels autros eucariontes fan ra fotosintesis, perque tién en ro suyo zitoplasma organelos clamaus plastos, que lis permeten. Ra mesma Teoría d'a Endosimbiosis también en charra, d'istos organelos, ubicant es suyos orichenes en l'asoziazión de belas zelulas eucariotas con procariontes d'o grupo d'as zianobacterias.

Encara que d'entre ras multiples bariedaz de zelulas eucariotas s'amuestren diferenzias entaltables, totas eras compartixen carauteristicas fundamentals d'a suya organizazión zelular, e una sorprendent homoxeneidad en tot ro que arredola ra suya bioquímica y metabolismo. Asinas, ras zelulas eucariotas, y per extensión toz es eucariontes forman una colla d'organismos fuertement concaratos con es procariotas, es cualos están carauterizatos per ra suya gran dibersidat fesiolochica.

[Editar] Organismos eucariontes

Es organismos eucariontes ó eucarionz son ers que forman ro dominio Eukarya (ó Eukaryota), encluyendo-s'ie muitos d'es més conexidos aintre d'es cuatro reinos: Animalia (animals), Plantae (plantas), Fungi (fongos) y Protista, es cualos también encluyen tota ras espezies fosils plurizelulars que s'estudean modernament.