Edmund Stoiber

Aus Wikipedia

Der Artikl is im Dialekt „Südostobaboarisch“ gschriem worn.

Stoiber Edmund bei am Wahlkampfauftritt in Würzburg (2005)

Edmund Rüdiger Stoiber (* 28. Septemba 1941 in Oberaudorf, Landkreis Rosenheim) is a deitscher Politika (CSU). Er is seit 1993 Ministerpräsident vom Freistaat Bayern, hat aber gsogt, das er zum 30. September 2007 zrucktret. Seit 1999 is er a Vorsitzenda von da CSU, werd aber net no amoi kandidiern.

[dro wärkln] Lebenslauf und politischer Weg

Stoiber (r.) mit am Dominique de Villepin

Da Stoiber Edmund is im obaboarischen Oberaudorf als Bua vom Bürokaufmann Stoiber Edmund Georg (aus Schwarzenfeld in da Oberpfalz) und da gebürtigen Rheinländerin Stoiber Elisabeth (geb. Zimmermann) aus Dormagen aufgwachsn.

Seit 1968 is a verheirat mit da Stoiber Karin; die zwoa ham drei Kinda: Constanze, Veronica und Dominic und drei Enkelkinder: Johannes, Benedikt und Theresa Marie. Er wohnt in Wolfratshausen. Von 1951 bis 1961 håt er da des Ignaz-Günther-Gymnasium in Rosenheim bsuacht und war danach bei de Gebirgsjager in Mittenwald und Bad Reichenhall.

Nach da Bundeswehr håt er 1962 a Studium von de politischen Wissenschaften und von da Rechtswissenschaft in Minga ogfanga, mit dem er 1967 fertig worn is. Danach is a an da Universität Regensburg gwen und håt dorting 1971 promoviert.

No im selbn Jåhr is er ins Bayerische Staatsministerium für Landesentwicklung und Umweltfragen kemma. Vo 1978 bis 1983 is er unterm Franz Josef Strauß Generalsekretär von da CSU gwen. In dem Amt håt er den Spitznam „blondes Fallbeil“ kriagt. Seit 1989 is er dann Stellvertretender Vorsitzender vo da CSU gwen. Seit 1993 is er Ministerpräsident vom Freistaat Bayern ois Nachfolga vom Streibl. Bei de Landtagswahln 1994 und 1998 håt er als Spitzenkandidat vo da CSU oiwei a absolute Mehrheit mit 52,8 % respektive 52,9 % und 60,7 % ghoit.

Ois Nachfolga vom Bundesfinanzminister Theodor Waigel is er am 16. Januar 1999 aa zum Landesvorsitzenden vo da CSU gwählt worn. 2002 is a sogar deitscha Kanzlerkandidat gwen, håt aba ganz knapp gengan Schröder verlorn. 2005 war de Red davo, dass er Wirtschaftsminister der Bundesrepublik Deitschland im Kabinett Merkel werd, er håt se dann aber liaba doch nach Bayern zruckzong. Des håt seiner Beliebtheit in Bayern ganz sche gschadt. Nachdem's a no hieß, dass de Landrätin von Fürth, de Pauli Gabriele, von oam vo seine Mitarbata bspitzelt worn sei, is er imma mehra in de Kritik kemma. Letzendlich i eam nix anders übabliem, ois zum sång, das er zum 30. September 2007 ois Ministerpräsident und a aa ois Vorsitzender von da CSU net no amoi kandidiern.

[dro wärkln] Zuasätzliche Ämta

Mitglied vom ZDF-Verwaltungsrat, Vorsitzenda vom Stiftungsrat der Bayer. Landesstiftung, Vorsitzenda vom Stiftungsrat vo da Bayer. Forschungsstiftung, Vorsitzenda vom Verwaltungsbeirat vom FC Bayern München e. V., Vorsitzenda vom Stiftungsrat da Sudetendeutschen Stiftung, Vorsitzenda vom Stiftungsrat vo da Buchheim-Stiftung
Mitglied bei da Spielvereinigung Unterhaching e. V., am TSV 1860 München e. V., am Eis Club „Die Löwen“ Bad Tölz e. V., de Parsberger Schützen Alling, am Trachtenverein „D'Loisachtaler“, am Bezirksfischaverein Wolfratshausen.
Ehrenkommandant vo da Gebirgsschütznkompanie Wolfratshausen
Herausgeber vom Bayernkurier, da Wochenzeitung vo da CSU
Mitglied im Verein gegen betrügerisches Einschenken e.V., Minga
Botschafter fiar de Fußball-Weltmeisterschaft 2006 der Menschen mit geistiger Behinderung 2006 in Deitschland.

[dro wärkln] Auszeichnunga

Bayerischer Verdienstorden
1996 – Karl-Valentin-Orden
2000 – Orden wider den tierischen Ernst

[dro wärkln] Zun Lesn (Auswahl)

Edmund Stoiber, Friedrich Kabermann: Das Maß der Dinge. Über die Kunst, das politisch Notwendige zu tun. München, 2001, ISBN 3-4262-7251-2
Peter Köpf: Stoiber: die Biografie. Hamburg, 2001, ISBN 3-203-79144-7
Ursula Sabathil: Edmund Stoiber privat. München, 2001, ISBN 3-7844-2831-2
Michael Stiller: Edmund Stoiber: der Kandidat. München, 2002, ISBN 3-430-18786-9
Jürgen Roth, Peter Köhler: Edmund G. Stoiber: Weltstaatsmann und Freund des Volkes. Eichborn Verlag, Frankfurt, 2002, ISBN 3-8218-3584-2 (satirische "Biografie“)