Wikipedia:Hilfe
Aus Wikipedia
 |
Der Artikl is im Dialekt „Obaboarisch“ gschriem worn. | |
Inhaltsverzeichnis |
[dro wärkln] Zua Sprach
Weis doch an haufan Leid wundat, wos de Sidtiroia und de Estareicha auf da boarischn Wikipedia zum sucha hom:
Wia olle andan Wikipedias a richt se de Zuagherigkeit bei da boarischn Wikipedia nur noch da Sprach und ned nach irngweiche politischn Grenzn. Und bei da Sprach gehts nach da wissnschaftlichn Eiteilung. Und nach dera is des boarisch wias z.B. in Oidbayan gsprocha wead nua a Untagruppn vom "Bairisch". Und da de Estareicha und Sidtiroia genauso wia de "echtn" Bayern a Sprach ren, de zua dem "Bairisch" dazughead, gheans a zua dera Wikipedia. Wega dera sprachwissnschaftlichn Definition is de Adress vo da boarischn Wikipedia a "bar.wikipedia.org", wei "bar" de wissnschaftliche Abkiazung fia "Bairisch" is. Nach dene Abkiazungn san a olle andan Sprachn vo da Wikipedia eiteilt. Damit's Duchananda ned zgroß werd, soitn Artikl kennzeichnet wean, in wecham Dialekt s'gschriem han.
[dro wärkln] Huif fia technische Sachan
S' gibt a boa Seitn iaba de technischn Sacha auf boarisch. De findn se nem an Haufn andana intressanta Sachan auf Wikipedia-Poatal. Da a jeda, der boarisch red an Text auf Deitsch lesn ko, war's a a Sach, si des ganze auf da Huifn vo da deitschn Wikipedia ozschaung. Wers liaba in boarisch hät, ko gern fehlnde Artikl iabasetzn.
[dro wärkln] Anregunga fia's Schreibn vo Artikln fiad boarische Wikipedia
Wia in de andan Wikipedia-Sprachn a werd an Haufa iba Regln gredt, de de Schreiba eihoidn soin. Des findt ma z.B. beim Stammtisch oda bei vui Artikl unterm Menü "bschprecha".
A boa Vorgabn auf de se woi de meistn geinigt ham:
- Schreibn duad a jeda in dem Dialekd den a red. Dodanoch ko ma den Artikl mit ra Dialektvorlog kennzeichna.
- Deswegn schreibt koana an Artikl vo eppa andam in sein Dialekt um. An am Artikl vo eppan andam deaf ma natürli trotzdem wärkln. Des Gsatzl wos ma gschriem hod ko ma dann kennzeichna, wia untn bei "Dialekthiweis" zoagt werd.
- Wenn a Artikl vo mehra Leid gschriebn werd, wars net schlecht, wenn Stückl mit unterschiedliche Dialekte kennzeichnet wern, wia's bei dem gmacht is.
- regionale Themen soidn am bestn in dem dortign Dialekt gschriebn werdn, kennzeichnen ko ma des so.
- de geeignetstn Themen fia d'boarische Wikipedia san deswegn natürli Artikl iaba boarische Begriff, iaba Deafa, Städt usw. im boarischen Sprachgebiet.
- S'spricht aba a nix dageng de "normaln" Wikipedia-Themen wia d'Naturwissnschaftn usw. zum behandln. Wea im boarischn Sprachraum zur Schui ganga is oda a studiert hod, woaß daß a guada Teil vo de Lehra auf boarisch unterrichtn.
- Do ma fia ernstane Themen a im boarischn Sprachraum eha auf's Hochdeitsche z'ruckgreift, neigt ma im Dialekt scho eha dazu ois a bissal lustiga zum seng und vazäin. Do de boarische Wikipedia zwar de Schreiba und a de Lesa a Freid macha soi, aba trotzdem koa Schmarrn-Wikipedia wern soi, soidad ma scho schaung daß da Spaß-Deife ned zsehr zuaschlogd. Trotzdem deafs scho a bissal lockana zuageh wia in da deitschn Wikipedia.
- Dasprechend hod a beleidignder Schmarrn scho zwoamoi nix do herin valoan. Iaba Schimpfweata ois Begriff ko ma natürli trotzdem an Artikl schreibn, des soid dann aba scho am Wikipedia-Grundsatz vom neutraln Standpunkt entsprecha.
Zua de letztn zwoa Punkt gibt's zur Zeit an Haufn Diskussiona auf da Qualitätsoffensivn-Seitn
[dro wärkln] Wia ma an Artikl/Absatz mit am Dialekthiweis kennzeichna ko
- Fia an ganzn Artikl: {{Dialekt-oben|Westmittlboarisch|Niedaboarisch o.ä.}}
- Fia an Absatz in am abweichadn Dialekt: <small>Dialekt: [[Südboarisch|optional: Vintschgaurisch ]]</small>
De Hauptkategoria findt ma in Kategorie:Artikü nåch Dialekt.
[dro wärkln] Mit andane ren
Wenn ma zua irngwoas was sang wui, aba den Artikl ned ändan wui, ko ma auf "bsprecha" draufdrucka und nacha auf "wärkln". In dem Feld, des ma dann sigt, ko ma schreim. Bei am Artikl werd des eingli ollawei wiada vo de Leid glesn, de den Artikl gschriebn hom. Um a Person direkt zum osprecha ko ma auf desn Benutza-Seitn geh und dort auf "bsprecha" drucka. Des hod den Vorteil, daß de Person sofort a Nachricht kriagt, wenns amoi wiada in da Wikipedia is. So kunt ma z.B. am Adminstrator was schreibn. Oda ma schaugt bei "Versionen/Autoren" wea an am Artikl mitgschriabn hod und druckt do auf an Nama.
