Föikirchn an da Doana
Aus Wikipedia
 |
Der Artikl is im Dialekt „Owaöstareichisch“ gschriem worn. | |
| Wåppn | Låndkårtn |
|---|---|
 |
 |
| Dés Wichtigste | |
| Bundeslånd: | Owaöstareich |
| Politischa Bezirk: | Bezirk Urfahr-Umgewung |
| Grichtsbezirk: | Bezirk Urfahr-Umgewung |
| Autokennzeichn: | UU |
| Flächn: | 39 km² |
| Leid: | 5.066 (Stånd: 15. Mai 2001) |
| Hechn: | 268 Meta üwa da Ádria |
| Postleitzåi: | 4101 |
| Vorwåi: | 07233 |
| Geografische Låg: | Koordinaten: 48° 20' 44" N, 14° 03' 01" O 48° 20' 44" N, 14° 03' 01" O |
| Adress vo da Gemeinde: | Hauptstraße 1 4101 Feldkirchen an der Donau |
| Intanetsaitn: | http://www.feldkirchen-donau.at |
| I-Mäil-Adress: | office@feldkirchen-donau.at |
| Politik | |
| Buagamásta: | Allerstorfer Frånz (SPÖ) |
Föikirchn an da Doana is a Mårktgemeinde in Owaöstareich, genaua gsågt im Mühvierl, und då wieda im Bezirk Urfahr-Umgewung. Da Grichtsbezirk is á Urfahr-Umgewung. Wohnan duan in Föikircha knåpp üwa 5.000 Leid. Bsondas bekånnt sand de Föikirchna Bådeseen, dés is a Erholungsgebiet fir an Haufn Leid aus da gånzn Umgewung, sogår aus Linz kemmans her zan Plantschen.
[dro wärkln] Geografie
Föikircha liegt auf 268 Meta üwan Meer. Wia á da Nåm scho sågt, iss direkt an da Doana, auf da nördlichn, åiso linkn Saitn, ungefähr 25 Kilometa im Westn vo Linz. Die Nordhöiftn vo da Gemeinde ghert geologisch zur Behmischn Massn, dés sand åiso lauta steule Hügün, dafir iss in da Südhöiftn totál flåch, der Teu ghert nämli zum Efadinga Beckn, åiso zan Åipnvorlånd. Vo Nordn nåch Südn sands 8,5 Kilometa und vo Westn nåch Ostn 7,4. Insgesåmt håd Föikircha a Flächn vo 39,4 Quadrátkilometa.
Vo dera Gesåmtflächn sand 59 Prozent Låndwirtschåft, åiso Wiesn und Föida (deswéng á da Nåm "Föikircha"). 22 Prozent san Wåid (vor åim im Nordteu), siem Prozent Gartln, sechs Prozent måcht s'Wåssa aus, åiso d'Doana, da Pésnbåch und de Bådeseen vor åim, und netta auf oan Prozent vo da gånzn Flächn sand Haisa oda Stråßn oda so wås.
[dro wärkln] Ortschåftn und Nåchbagemeinden
Föikircha is extrem zasiedüd, dés háßt, es gibt an Haufn kláne Ortschåftn, und da Ortskern söwa is néd wirkli machti. Insgesåmt gibts in Föikirchn an da Doana 24 Ortschåftn, und zwår:
|
|
|
Nåchbagemeinden håd Föikircha neine, dés sand im Nordn Sånkt Martin im Mühkreis (im Bezirk Rohrbåch), Herzogsdorf und Sånkt Gotthard im Mühkreis (ålle zwá im Bezirk Urfahr-Umgewung), im Ostn sans Wåiding und Goidwörth (á ålle zwá in Urfahr-Umgewung), im Südn Åikovn und Pupping (ålle zwá im Bezirk Efading, der wås zan Hausruckviertl ghert), und im Westn grenzt Föikircha an Hårtkircha und an Åschåch an da Doana (dé gehrnd á zu Efading).
